तपशिल:

मिति: २०७९ मंसिर १७

समय: विहान १० बजे देखि

स्थान:राष्ट्रिय अपाङ्ग महासंघको कार्यालय, भृकुटीमण्डप

के तपाईलाई विगत २ हप्ताभन्दा बढि समयदेखि लगातार रुपमा भोक / निद्रामा गडबडी, विना कारण रिस उठ्ने, मन खिन्न हुने, नकारात्मक सोच आउने ,मनमा धेरै कुरा खेल्ने,एक्लोपन महसुस हुने ,मनोवलमा कमी हुने,हिनताबोध महसुस हुने, जीवनदेखि दिक्क लाग्ने कुराहरु महसुस गरिरहनु भएको छ र उक्त समस्याहरुले तपाईको दैनिकीमा असर पुर्याएको छ ? यदि छ भने मनोबिमर्श सेवा उपयुक्त हुनसक्छ ।

मनोबिमर्श सेवाको लागि कोशिश संस्थाको एन.टि.सी.(NTC) प्रयोगकर्ताले टोल फ्रि नं. १६६००१२२३२२ र एनसेल प्रयोगकर्ताले टोल फ्रि नं. ९८०१५७१०३२ बाट सम्पर्क गरी निःशुल्क सेवा तथा सहयोग लिन सक्नुहुनेछ ।

मनोबिमर्श सेवा साना ठूला सबै प्रकारका भावनात्मक वा व्यवहारिक समस्याहरूका लागि सहयोगी हुनसक्छ । कोशिशद्वारा प्रदान गरिने मनोबिमर्श सेवामा व्यक्त भावना तथा जानकारी पूर्ण रूपमा गोप्य रहने छन् । फोनबाट जुनसुकै बखत मनोबिमर्श सेवा लिन सकिन्छ भने सोमबार देखि शुक्रबारसम्म बिहान ९:०० बजे देखि बेलुकी ५:०० बजेसम्म प्रत्यक्ष रूपमा पनि मनोबिमर्श सेवा लिन सक्नुहुनेछ । साथै एन. टि. सी. प्रयोगकर्ताले एन. टि. सी . टोल फ्रि नं. मा र एनसेल प्रयोगकर्ताको लागि एनसेल टोल फ्रि नं. फोन गर्दा पैसा लाग्दैन ।

नोटः राष्ट्रिय अपाङ्ग महासंघ नेपालले कोशिश नेपाल तथा सिस नेपालको सहकार्यमा मनोबैज्ञानिक सहयोग तथा मनोबिमर्श सेवा प्रदान गर्नका लागि सम्बन्धित सूचनाहरु तथा आवश्यक जानकारीहरु सबैमा पुर्याउन महासंघले प्रसारण गरेको यस सूचना मार्फत सेवाहरु लिन सक्नु हुनेछ ।

उक्त कार्यशालामा कुष्ठरोग नियन्त्रण तथा अपाङ्गता ब्यवस्थापन शाखाका प्रमुख डा. रबिन्द्र बास्कोटा ज्यूले स्वास्थ्य तथा पुनर्स्थापनाको संग सम्बन्धित कानुनि ब्यबस्था, कार्यान्वयन आवस्था र अबको प्रथामिकता बारेमा प्रस्तुति राख्नु भएको थियो भने महिला बालबालिका तथा ज्येष्ठ नागरिक मन्त्रालयको उप-सचिब जमुना मिश्र ज्युले मन्त्रालयबाट पुनर्स्थापनाका सवालमा भएका कार्यक्रमको जानकारी, अवस्था र मन्त्रालयको तर्फबाट बन्दै गरेका नीतिगत ब्यबस्थाका बारेमा बारे प्रस्तुत गर्नु भएको थियोl त्यसैगरी पुनर्स्थापना सेवा केन्द्रहरुको छाता संगठन-नास्पिरका यमनाथ मैनालीले अहिले नेपालमा सहायक सामग्रीको बिधमान अवस्था र उपलब्धता संगसंगै अब तिनै तहको सरकारले पुनर्स्थापनाको सवाल सम्बोधनका लागि सुझाब पेश गर्नु भएको थियो l त्यसैगरी उक्त कार्यक्रममा वर्गीय संस्थाहरुका प्रतिनिधिहरुका तर्फबाट समेत स्वास्थ्य र पुनर्स्थापनाको सवाल, चुनौतीबारे राय प्रस्तुत  भएको थियो l

राष्ट्रिय अपाङ्ग महासंघ नेपालका अध्यक्ष श्री मित्रलाल शर्मा ज्यूको अध्यक्ष्यता र उपाध्यक्ष रमा ढकालको संचालनमा सम्पन्न उक्त कार्यशालामा महासंघका कार्यक्रम संयोजक सन्दिप बिक र किशोर रिजालद्वारा पुनर्स्थापनाको सवालमा महासंघको चासोको बिषयमा प्रस्तुतीकरण रहेको थियो । उक्त कार्यशालाको समापन समारोहमा बोल्दै महिला बालबालिका तथा ज्येष्ठ नागरिक मन्त्रालयका सचिव याम कुमारी खतिवडा ज्यूले प्राप्त सुझावहरुलाई अब आगामी दिनमा समावेश गर्ने प्रतिवद्धता सहित आगामी दिनमा पनि पुनर्स्थापनाको सवालमा महासंघसँग निरन्तर समन्वय तथा सहकार्य गर्ने बताउनुभयो । कार्यशालाको अन्तमा सबै सहभागीहरुको सुझाब लाई समेट्दै १० बुंदे प्रतिबद्दता घोषणा सहित कार्यक्रम समापन भएको थियो l

कार्यक्रममा अपाङ्गताका प्रकार, अपाङ्गता भएका ब्यक्तिका स्वास्थ्य र पुर्नस्थापना सेवाको परिचय, अपाङ्गताका प्रकार अनुसारको पुनर्स्थापना सेवा, पुनर्स्थापना सेवाका लागी वकालतको आवश्यकता, स्थानीय योजना बनाउने चरण, समूह कार्यको आवश्यकता र महत्व, अपाङ्गता भएका ब्यक्तिका स्वास्थ्य र पुनर्स्थापनासँग सम्बन्धित राष्ट्रिय तथा अन्तराष्ट्रिय कानुनी ब्यबस्थाहरु, बजेट विनियोजन तथा पुनर्स्थापना सेवामा पँहुच वृद्धि गर्नका लागि स्थानीय सरकार, स्थानीय पुनर्स्थापना सेवा प्रदायकहरू, शारीरिक पुनर्स्थापना केन्द्र र फिजियोथेरापि ईकाइहरुसंगको समन्वय र स्थानिय तहमा स्वास्थ्य र पुर्नस्थापना सेवा प्रवर्धन गर्न संस्थाहरुको भुमिका र वितिय व्यवस्थापनका विषयहरुमा छलफल गरियो ।

उक्त कार्यक्रममा सबै प्रकारका अपाङ्गता भएका व्यक्तिहरुका स्वास्थ्य र पुनर्स्थापनाका समस्या,चुनौती तथा सवाल हरुका बारेमा खुला छलफल गरिएको थियो । यसमा सहभागिहरुले पालैपालो कुरा राखेका थिए । साथै अपाङ्गता भएका व्यक्तिहरुको स्वास्थ्य र पुर्नस्थापनाको  लागी आ-आफ्नो स्थानबाट सहयोग गर्न तयार रहेको जानकारी गराएका थिए । कार्यक्रमको प्रभावकारी कार्यान्वयनका लागि कुरामा मात्र सिमित नगरी ब्यवहारिक रुपमा अगाडी बढाउन सरकारी तथा अन्य सरोकारवालासंग समन्वय गर्न संस्थाहरु तयार रहेको प्रतिबद्धता समेत जनाएका थिए। यो आ.व को योजना तर्जुमाको  समय सकियता पनि अर्को आ.व को लागि वेलैमा अभिमुखीकरण पाएकोले अब टोल तथा बस्तिस्तरमा अपाङ्गता भएका व्यक्तिहरुका लागि बजेट तथा कार्यक्रम माग गर्न तयार हुने बताएका थिए। समस्याहरु धेरै भएको र निरुपणका लागि सवैजनालाई एकैठाँउमा सेवा पाँउने ब्यवस्था मिलाउन सहकार्य गर्नुपर्दछ भन्ने कुरामा जोड दिएका थिए । महासंघको पुनर्स्थापना सम्बन्धि एकिकृत अबधारणा, संस्थाहरुसंगको समन्वय र सहकार्य, संस्थाहरुले सरकार संग पैरवी गर्नेका लागि एकिकृत अबधारणा बनाएर जानेमा एकिवद्धता  पनि जनाएका थिए l

अभिमुखीकरण कार्यक्रम संघिय अध्यक्ष ज्यू, संघिय सदस्य ज्यु तथा प्रदेश अध्यक्ष ज्यु लगायत प्रदेश कर्मचारिहरुले सहजीकरण गर्नुभएको थियो ।

सुविधा :

सरकारी स्वास्थ्य केन्द्र वा अस्पतालहरूमा अपाङ्गता भएका व्यक्तिका लागि नि:शुल्क स्वास्थ्य परीक्षण तथा उपचारको प्रावधान छ ।

सुविधाका हकदार :

नेपाल सरकारले गरेको अपाङ्गताको परिभाषा र वर्गीकरणमा समेटिएका सबै प्रकारका अपाङ्गता भएका व्यक्तिहरू ।

सुविधा प्राप्त गर्ने ठाउँ/निकाय :

देशभरिका सबै सरकारी अस्पताल र स्थानीय स्तरका स्वास्थ्य केन्द्र/चौकीहरू ।

सुविधा प्राप्त गर्ने प्रक्रिया

क) सुविधा लिन चाहने अपाङ्गता भएका व्यक्तिले अस्पतालको शुल्क बुझाउने सम्बन्धित ठाउँमा आफ्नो अपाङ्गता परिचयपत्र देखाई निँशुल्क स्वास्थ्य परीक्षण वा उपचारको सेवा उपभोग गर्न पाउनेछ ।

सुविधा प्राप्त गर्ने आधार

क) अपाङ्ग संरक्षण तथा कल्याण ऐन, २०३९ को दफा ७ को उपदफा २ : अपाङ्गबाट उत्पन्न हुने विभिन्न प्रतिकूल असरलाई यथाशक्य घटाउन आवश्यक पर्ने उपचार उपलब्ध गराउन त्यसका लागि गरिने परीक्षण तथा स्वास्थ्य सेवा प्रदान गर्न नेपाल सरकारले आवश्यक व्यवस्था गर्न सक्नेछ ।
ख) अपाङ्ग संरक्षण तथा कल्याण नियमावली, २०५१ को नियम १६ को उपनियम १ : देशभरका अस्पतालहरूमा अपाङ्गहरूको नि:शुल्क स्वास्थ्य परीक्षण गरिनेछ ।

अपाङ्गता भएका व्यक्तिहरूका लागि सरकारी अस्पतालमा निश्चित संख्यामा शैयाहरू सुरक्षित गरिने प्रावधान छ ।

सुविधाका हकदार :

नेपाल सरकारले गरेको अपाङ्गताको परिभाषा तथा वर्गीकरणअन्तर्गत पर्ने सम्पूर्ण अपाङ्गता भएका व्यक्तिहरू ।

सुविधा प्रदान गर्ने निकाय :

नेपालभरिका सरकारी अस्पतालहरू ।

सुविधा प्राप्त गर्ने प्रक्रिया :

सुविधा उपभोग गर्ने व्यक्तिले आफूसँग भएको अपाङ्गता परिचयपत्र देखाएर यो सुविधा उपभोग गर्न पाउँछ ।

सुविधा प्राप्त गर्ने आधार:

क) अपाङ्ग संरक्षण तथा कल्याण नियमावली, २०५१ को नियम १६ को उपनियम २ : नेपालभित्रका पचासभन्दा बढी शैया भएका सरकारी अस्पतालहरूमा अपाङ्गहरूको उपचारका निमित्त बढीमा दुईवटा नि:शुल्क शैयाको व्यवस्था गरिनेछ ।

नेपाल सरकारले अपाङ्गता भएका व्यक्तिहरूको लागि निश्चित प्रकारका औषधीहरु सरकारी अस्पतालहरूवाट नि:शुल्क रुपमा प्राप्त गर्ने व्यवस्था गरेको छ । यस्ता औषधीहरू ४१ प्रकारका छन र त्यस्ता औषधीहरूको सूची अनुसूची १२ मा प्रस्तुत गरिएको छ ।

सुविधाको हकदार :

नेपाल सरकारले गरेको अपाङ्गताको परिभाषा र वर्गीकरण अन्तर्गत पर्ने सवै अपाङ्गता भएका व्यक्तिहरू ।

सुविधा प्रदान गर्ने निकाय :

नेपालभरीका सरकारी अस्पताल र स्वास्थ्यकेन्द्रहरू

सुविधा प्राप्त गर्ने प्रक्रिया :

अपाङ्गता भएका व्यक्तिले स्वास्थ्य परीक्षण पश्चात, नि:शुल्क प्रदान गरिने औषधीमध्ये पर्ने औषधी सेवन वा प्रयोग गर्नुपर्ने भएमा आफूसँग भएको अपाङ्गता परिचयपत्र देखाई सरकारी अस्पतालवाट औषधी नि:शुल्क प्राप्त गर्न सक्छन ।