Accessibility Options


Skip to Navigation Skip to Content
A Banner Image with Text: Nepal Disability Portal : Datasets, Reports, Medias and Service Directory.

साझेदार सँस्था माईराईटको तर्फबाट शुभकामना सन्देश


बधाई तथा शुभकामना

माइराइट स्वीडेनमा स्थापना भएर अन्तर्राष्ट्रिय विकास सहयोग क्षेत्रमा काम गर्ने अपाङ्‍गता भएका व्यक्तिहरूले स्थापना गरेका संस्थाहरूको मञ्‍च हो । माइराइटले सम्बन्धित देशका अपाङ्‍गता भएका व्यक्तिहरूले मात्र स्थापना गरेका संस्थाहरूसँगको सहकार्यमा अपाङ्‍गता भएका व्यक्तिहरूका हक अधिकार संरक्षण र प्रवर्द्धनका लागि काम गर्छ ।

माइराइट स्वीडिस अन्तर्राष्ट्रिय विकास सहयोग नियोगको आर्थिक सहयोग र आफ्नो मञ्‍च मातहत रहेका स्वीडिस सदस्य संस्थाहरूको आर्थिक तथा प्राविधिक सहयोगमा सन् १९९१ देखि नेपालमा निरन्तररुपमा कार्यरत छ । नेपालमा हाल बहिरा, सुस्तश्रवण, हेमोफिलिया, दृष्टिविहीन र न्यून दृष्टियुक्त, अटिज्म, बौद्धिक अपाङ्‍गतालगायत समग्र अपाङ्‍गता भएका व्यक्तिहरूका साझा सवालमा माइराइटले काम गर्दै आएको छ । यस क्रममा अपाङ्‍गता भएका व्यक्तिहरूले स्थापना गरेका संस्थाहरूको संयुक्त कार्यक्रम अन्तर्गत सीआरपीडी समितिले संविधानमा अपाङ्‍गता भएका व्यक्तिहरूका लागि व्यवस्था गरिएका प्रावधानहरूलाई समेटेर तयार गरेको हाते-पुस्तिका प्रकाशनका लागि सहकार्य गर्न पाउँदा माइराइट नेपाल आभार व्यक्त गर्न चाहन्छ ।

राष्ट्रिय अपाङ्‍ग महासङ्‍घ नेपाललगायत अपाङ्‍गता भएका व्यक्तिहरूले स्थापना गरेका अन्य नेपाली संस्थाहरूसँग नेपालको संविधान लेखनका क्रममा अपाङ्‍गता भएका व्यक्तिहरूका अधिकारहरू समाहित गर्ने यात्रामा माइराइटको तर्फबाट पनि एक वा अर्को तवरले योगदान गर्न पाउँदा माइराइट र यसका सदस्य संस्थाहरूले आफूलाई गौरवान्वित महशुस गरेका छन् । यस क्रममा हामी माइराइटका तर्फबाट राष्ट्रिय अपाङ्‍ग महासङ्‍घ नेपाल, नेपाली अपाङ्‍गता अधिकारकर्मीहरू र संस्थाहरू, नेतृत्ववर्ग र सबै अपाङ्‍गता भएका व्यक्तिहरूलाई उहाँहरूको प्रयासहरूको उच्‍च प्रशंसा गर्दै हार्दिक बधाई ज्ञापन गर्दछौं ।

अन्त्यमा, मेहनतका साथ यो पुस्तिका तयार गर्ने अधिवक्ता सुदर्शन सुवेदी, जो आफैंमा एक अपाङ्‍गता भएको व्यक्ति, अपाङ्‍गता अधिकारकर्मी र अपाङ्‍गगता आन्दोलनको नेतृत्व हुनुका साथै नेपालको संविधान (२०७२) मा अपाङ्‍गता अधिकार सुनिश्‍चित गराउनका लागि अनवरतरुपमा लाग्नुभयो, उहाँलाई हार्दिक धन्यवाद व्यक्त गर्दछौं । यस क्रममा अपाङ्‍गता भएका ब्यक्तिहरूका संस्थाहरूको संयुक्त कार्यक्रमको निर्देशक समितिका सदस्य र त्यस अन्तर्गत रहेको सीआरपीडीको कार्यदलका सबै सदस्यमा हार्दिक आभार व्यक्त गर्दछौं ।

यस पुस्तिकाका माध्यमबाट पाठकवर्ग, विशेषगरी अपाङ्‍गता भएका व्यक्तिहरू र अपाङ्‍गता अधिकारकर्मीलगायत सम्बन्धित सबैलाई संवैधानिक प्रावधानहरूका बारेमा सु-सूचित हुने मौका प्रदान गरी सोहीबमोजिम हक, अधिकार र सुविधाहरू उपभोग गर्ने र गराउने कार्यमा सफलता मिल्नेछ भन्ने आशा गरेका छौं ।

शिव रायमाझी
राष्ट्रिय संयोजक
सञ्‍चालन

सुजना शाक्य
राष्ट्रिय संयोजक
आर्थिक र नियन्त्रण

The pictures, news articles and other materials published in this website is property of NFDN. These materials can't be used in any other media of any form without our prior written or verbal permission. Please contact us for permissions to use them. In any case, proper credit/reference must be given to such articles and pictures whenever it is used in any medium. Read Our Terms of Use.
We have tried our best to make this website and its contents accessible to people with all abilities. If, for some reasons, any part of this website is not accessible to you, then please write an email to us at webmaster@nfdn.org.np and we will try help you.

web
stats
times since January, 2015.