Accessibility Options


Skip to Navigation Skip to Content
A Banner Image with Text: Nepal Disability Portal : Datasets, Reports, Medias and Service Directory.

आगोले खाएको सपना आगोले नै जोडिदियो


गाउँमा म सामान्य चिया पसल गरेर बसेको थिएँ । अचानक मेरो पसलमा आगो लाग्यो । जुन आगोसँगै मेरा बाँकी सपना पनि त्यही धुवासँगै उडेर गयो । अब के गर्ने होला ? कहाँ जाने होला ? कसलाई भन्ने होला ? आफू मात्र हैन् ६ जनाको परिवार कसरी पाल्ने होला । एक माथि अर्को चिन्ता बढ्न थाल्यो ।  यो भन्दा अरु काम गर्ने सक्ने सीप पनि थिएन । जिन्दगीमा कालो बादलले एकाएक ढाकिदियो । जीवन अन्धकार नै अन्धकारले घेरिएको महशुस हुन थाल्यो । अब कता जाने, के गर्ने केही थाहा थिएन । बढो भावुक हुँदै बताए दिलिप कुमार बरईले ।

शारिरीक अपाङ्गता भएका पुरुष मिठाई पसलमा बस्दै गरेको अवस्था

आज भन्दा ४७ वर्ष अगाडि कपिलबस्तु जिल्लाको फुलिकामा जन्मिएका दिलिप शारीरिक अपांगता भएका व्यक्ति हुन् । २०६६ सालमा उनले सामान्य दैनिकी चलाउने र परिवारको जीविका चलाउने उद्देश्यले सानो चिया पसल शुरु गरेका थिए । सो चिया पसलबाट मासिक २० हजार आम्दानी गर्ने गरेका थिए । तर एक्कासी चिया पसलमा आगो लाग्यो । उनको सबै सामान क्षणभरमा नै ध्वस्त भयो, केही वाँकी रहेन । फेरि पसल गर्न उनिसँग आर्थिक सार्मथ्य पनि थिएन । के गर्ने, कसो गर्ने उनले सम्झनै सकेका थिएनन् ।

आफ्नो एक्लो मात्र जीवन होइन, ६ जनाको जीवन चलाउनु त्यति सजिलो पनि थिएन । यसैबीच दिलीप २०६९ सालको बैशाख महिनामा गजेहडामा राष्ट्रिय अपाङ्ग महासँघ जिल्ला च्याप्टर कार्यालय पुगे । जहाँ उनले राष्ट्रिय अपाङ्ग महासंघका तत्कालिन जिल्ला अध्यक्ष कमल प्रसाद ढुङ्गानासँग भेटे । उनले आफ्नो विचल्ली परेको कुरा सबै सुनाए ।

अध्यक्षको पहलमा रेडक्रसको जिल्ला शाखामा उनी पुगे । अध्यक्ष मार्फत  जिल्ला रेडक्रसको  सभापतिसंग कुराकानी हुने मौका मिल्यो । सभापतिले मेरो वेदना सुनेपछि नेपाल रेडक्रसबाट केही लत्ता कपडाहरु सहयोग भयो ।  तत्काललाई मेरो समस्या समाधान भयो । म फेरी जिल्ला च्याप्टर कार्यालयमा गए । व्यवसाय सञ्चालन गर्न आर्थिक सहयोगको लागि अनुरोध गरे । जिल्ला च्याप्टरसँग त्यस्तो खालको आर्थिक सहयोग गर्ने श्रोत नरहेको जानकारी दिनुभयो । तर  उहाँहरुले विना व्याज तथा धितो सँगै रहेको सहकारीवाट रु १० हजार रुपैया उपलब्ध गराईदिनु भयो  । जुन नगदबाट पुनः चिया र मिठाईको व्यवसाय सञ्चालन गर्न सकें । मैले दुई महिनामा नै सहकारीलाई पैसा तिरें । अहिले सबै खर्च कटाएर वार्षिक १ लाख ५० हजार बचत गर्ने गरेकोछु ।

उनी थप्छन्,  मलाई जिल्लाका पदाधिकारीले पटक पटक सहयोग माग्न जाँदा चिनीसक्नु भएको थियो । मलाई जिल्लाबाट सरहरुले अपाङ्गता भएको व्यक्तिहरुको लागि केही काम गर्नको लागि स्वावलमबन समुह गठन गर्न लागिएको कुरा जानकारी गराउनुभयो । २०७० सालमा फुलिका गाउ विकास समितिमा स्वावलम्बन समुह गठन भयो । त्यस समुहको पहिलो अध्यक्ष म भएँ ।  हामीले नियमित बैठकहरु बस्न थाल्यौं । अपाङ्गता भएका व्यक्तिहरुको समस्याहरु पहिल्याउन थाल्यौं साथ साथै समाधानका उपायहरु पनि खोज्दै गयौं । गाविसबाट अपाङ्गता सशक्तिकरण कार्यक्रम सञ्चालन गर्न बजेट विनियोजन गरायौं । कार्यक्रमहरु सञ्चालन गर्यौ । यी कार्यक्रमहरुले मलाई तथा म जस्ता अपाङ्गता भएको व्यक्तिलाई काम गर्ने थप हौसला मिल्दै गयो ।

अर्को तर्फ मेरो पनि जनमानससँगको सम्पर्क बढ्दै गइरहेको  थियो । जसको कारणले गर्दा आफ्नो व्यवसाय पनि बढ्दै गयो । मेरो श्रोत र साधनमा पहुँच वृद्धि हुँदैगयो । मैले गाउँ परिषदको बैठकमा समेत भाग लिने मौका पाएँ । मेरो लगनशिलताको कारणले गर्दा महासंघको जिल्ला शाखाको  सदस्यसम्म बन्न सकें । अहिले धेरै अपाङ्गता भएका साथीहरुसंग चिनजान बढेको छ । विगतमा जस्तो एक्लो महसुस छैन । म अहिले मेरा बालबच्चाहरुलाई  राम्रो शिक्षा दिन सकिरहेको छु । पसल राम्रोसँग चलिरहेको छ । म सन्तुष्ट छु । खुसी साथ जीवन विताईरहेको छु । यदि मेरो पसलमा आगो नलागिदिएको भए म जिल्ला च्याप्टर पुग्ने पनि थिइन र आजको स्थानमा आउन पनि सक्दिन थिएँ । आगोको कारण सबैसँग जोडिन पाउँदा आज लाग्छ आगोले खाएको सपना आगोले नै पुरा गरिदियो ।

(यो लेख महासँघको असल अभ्यास पुस्तकमा छापिएका लेखहरू मध्य एउटा हो। यस प्रकाशनका अन्य लेखहरू पढ्न यहाँ जानुहोस्।)

The pictures, news articles and other materials published in this website is property of NFDN. These materials can't be used in any other media of any form without our prior written or verbal permission. Please contact us for permissions to use them. In any case, proper credit/reference must be given to such articles and pictures whenever it is used in any medium. Read Our Terms of Use.
We have tried our best to make this website and its contents accessible to people with all abilities. If, for some reasons, any part of this website is not accessible to you, then please write an email to us at webmaster@nfdn.org.np and we will try help you.

web
stats
times since January, 2015.