accessibility – राष्ट्रिय अपाङ्ग महासँङ्घ नेपाल

“रूपान्तरण” पत्रिका पहुँचयुक्त ढाँचामा

NFDN Nepal — Thu, 25 Sep 2025 07:43:49 +0000

राष्ट्रिय अपाङ्ग महासङ्घ नेपालले प्रत्येक चौमासिकमा प्रकाशन गर्ने आफ्नो मुख पत्र “रूपान्तरण” पत्रिकाको वर्ष २८ प्रथम अङ्क E-Pub संस्करणमा समेत प्रकाशित गरेको छ । यस अङ्कमा अपाङ्गता भएका व्यक्तिहरूले आफ्नो अधिकार र पहिचानका लागि गरेका सङ्घर्ष र सफलताका प्रेरणादायी कथाहरू समेटिएको छ ।

महासङ्घले आम पाठकहरूको सहज पहुँचका लागि यस अङ्कलाई विभिन्न डिजिटल फर्म्याटमा उपलब्ध गराएको छ । पाठकहरूले आफ्नो अनुकूलताअनुसार माइक्रोसफ्ट वर्ड, पीडीएफ र ई-पब फर्म्याटमा डाउनलोड गरी अध्ययन गर्न सक्नेछन् ।

रुपान्तरण पत्रिकालाई E-Pub मा पढ्नका लागि यो फाइल डाउनलोड गर्नुहोला ।

Thorium Reader कसरी प्रयोग गर्ने भन्ने बारे बुझ्नका लागि तलको लिङ्कमा जानुहोला ।

थोरियम रिडर भनेको के हो?

थोरियम रिडर भनेको के हो?

NFDN Nepal — Thu, 25 Sep 2025 07:04:32 +0000

थोरियम रिडर पहुँचयुक्त डिजिटल ई-पुस्तक पढ्ने सफ्टवेयर हो । यसलाई विशेष गरी दृष्टि र छापा अक्षर पढ्न कठिनाइ भएका व्यक्तिहरूलाई डिजिटल पुस्तक पढ्न उपयोगी हुने गरी तयार गरिएको हो ।

मुख्य विशेषताहरू

• पुस्तक व्यवस्थापन
तपाईँले आफ्नो सबै डिजिटल पुस्तकहरूलाई एकै ठाउँमा व्यवस्थित गरेर पढ्न सक्नुहुन्छ ।

• आफ्नो अनुकूलता अनुरूप पढ्ने विकल्प
प्रयोगकर्ताहरूले आफ्नो आवश्यकता अनुसार अक्षरको आकार बढाउन/घटाउन, फन्ट/लाइन स्पेसिङ र रङ्ग संयोजन मिलाउन सक्छन् । यसका अलावा, रातको समयमा पढ्नका लागि ‘डार्क मोड’ र ‘सेपिया मोड’ पनि उपलब्ध छ ।

• बुक मार्क, नोट र हाई लाइट
प्रयोगकर्ताहरूले पुस्तक पढ्दा महत्त्वपूर्ण अंशलाई बुक मार्क गर्न, नोट/टिपोट गर्न र हाई लाइट गर्न सक्छन् ।

• स्क्रिन रिडरसँग कम्प्याटिबल
NVDA र JAWS जस्ता स्क्रिन रिडरहरूको प्रयोग गरी पुस्तक पढ्न सकिन्छ ।

• डिजिटल पुस्तकलाई मल्टिपल फर्म्याटमा पढ्ने विकल्प

EPUB 2, EPUB 3, PDF, DAISY, LPF लगायतका ढाँचामा सजिलै पढ्न सकिन्छ ।

• पुस्तकलाई पढ्ने र सुन्ने सुविधा

यस सफ्टवेयरबाट पुस्तक पढ्न मात्र नभई सो पुस्तकलाई आवाजमा सुन्ने (Read Aloud) सुविधा पनि प्रयोग गर्न सकिन्छ । अडियो बुक सुन्नेहरूको लागि यो अझ उपयोगी छ ।

आफ्नो डिजिटल पढाइलाई सहज, सुरक्षित र सबैका लागि पहुँचयुक्त बनाउन थोरियम रिडर उत्कृष्ट विकल्प हो । आफ्नो पुस्तक वा अडियो बुक सङ्ग्रहलाई व्यवस्थित राख्न चाहने, पुस्तकलाई आवाजमा पढ्न चाहने वा आधुनिक तरिकाले ई-पुस्तक पढ्न चाहने सबैका लागि यो सफ्टवेयर उपयोगी बन्न सक्छ ।

थोरियम रिडर डाउनलोड गर्न यहाँ क्लिक गर्नुहोस् ।

यस सफ्टवेयरमार्फत डिजिटल पुस्तक पढ्नका लागि निम्न किबोर्ड कमाण्डहरूको प्रयोग गर्न सकिन्छ ।

– AudioNext: CTRL+Digit3

– AudioPlayPause:CTRL+Digit2

– AudioPrevious:CTRL+Digit1

– AudioStop:CTRL+Digit4

– CloseReader:CTRL+KeyW

– FocusMain:CTRL+F10

– FocusReaderGotoPage:SHIFTCTRL+KeyP

– FocusReaderNavigation:CTRL+KeyN

– FocusReaderSettings:CTRL+KeyS

– FocusSearch:CTRL+KeyF

– FocusToolbar:CTRL+KeyT

– NavigateNextChapter:SHIFTCTRLALT+ArrowRight

– NavigateNextChapterAlt:CTRL+PageDown

– NavigateNextOPDSPage:SHIFTCTRL+ArrowRight

– NavigateNextOPDSPageAlt:SHIFTCTRL+Period

– NavigateNextPage:ArrowRight

– NavigateNextPageAlt:CTRL+Period

– NavigatePreviousChapter:SHIFTCTRLALT+ArrowLeft

– NavigatePreviousChapterAlt:CTRL+PageUp

– NavigatePreviousOPDSPage:SHIFTCTRL+ArrowLeft

– NavigatePreviousOPDSPageAlt:SHIFTCTRL+Comma

– NavigatePreviousPage:ArrowLeft

– NavigatePreviousPageAlt:CTRL+Comma

– NavigateToBegin:CTRL+Home

– NavigateToEnd:CTRL+End

– OpenReaderInfo:CTRL+KeyI

– SearchNext:F3

– SearchNextAlt:CTRL+KeyG

– SearchPrevious:SHIFT+F3

– SearchPreviousAlt:SHIFTCTRL+KeyG

– ToggleBookmark:CTRL+KeyB

– ToggleReaderFullscreen:CTRL+F11

पहुँचयुक्त भौतिक संरचना, संचार तथा यातायात सम्बन्धी थ्रीडी एनिमेटेड भिडियो

NFDN Nepal — Thu, 16 Jun 2022 15:05:43 +0000

राष्ट्रिय अपाङ्ग महासंघ नेपालले सीबिएम ग्लोबलसँगको सहयोगमा पहुँचयुक्त भौतिक संरचना, संचार तथा यातायात सम्बन्धी थ्रीडी एनिमेडेट भिडियोहरु बनाएको छ । थ्रीडी एनिमेडेट भिडियोहरुले सबै (बालबालिका, ज्येष्ठ नागरिक, अपाङ्गता भएका व्यक्ति लगायत सबै व्यक्तिहरु) ले प्रयोग गर्न सक्ने (विश्वव्यापी ढाँचा अर्थात Universal Design) पहुँचयुक्त भौतिक संरचना, यातायात र सूचना तथा संचार सेवा सम्बन्धी सन्देश राखिएको छ । यस भिडियोले समाजमा सचेतना जगाउने र सामाजिक परिवर्तनको सन्देश प्रवाह हुने उद्देश्य राखेको छ। अपाङ्गता भएका व्यक्तिहरूको पहुँचयुक्त भौतिक संरचना, यातायात तथा सूचना र सञ्चार सेवामा पहुँच र न्यायमा पहुँच अभिवृद्धि हुदै जानेछ । राष्ट्रिय तथा अन्तर्राष्ट्रिय मापदण्ड सहितको पहुँचयुक्तता सम्बन्धी ज्ञान वर्द्धक गर्ने भिडियो भएको हुँदा सबै बालबालिका, ज्येष्ठ नागरिक, गर्भवती महिला, अपाङ्गता भएका व्यक्ति लगायत सबै नागरिकहरु बीच हुने विभेद,अपमान र असमान व्यवहारहरु कम हुदै जाने अपेक्षा लिएको छ । साथै यी भिडियोहरु सरकार तथा गैर सरकारी निकायहरु लगायत सबै सरोकारवाला निकायहरूलाई पहुँचयुक्त ढाँचामा भौतिक संरचना, यातायात र सूचना तथा सञ्चार सेवा तयार गर्न सहयोगी हुनेछ ।

तीन वटा भिडियोहरु महासंघको युटुबमा राखिएको छ, निम्न अनुसार लिङ्क राखिएको छ प्राप्त गर्नुहोला । अपाङ्गता भएका व्यक्ति, अपाङ्गता भएका व्यक्तिहरुको संघ संस्था, अपाङ्गताका क्षेत्रमा काम गर्ने संघसंस्था, सबै सरकारी तथा गैर सरकारी निकायहरु लगायत सरोकारवाला सबै निकायहरु माझ यी भिडियोहरु पुर्याउन समन्वय तथा सहयोग गर्नुहुनेछ भन्ने विश्वास राखेका छौँ ।

मतसंकेत गर्न नसक्ने मतदाताको सहयोगी सम्बन्धी प्रेश विज्ञप्ति

NFDN Nepal — Mon, 09 May 2022 09:09:07 +0000

मतसंकेत गर्न नसक्ने मतदाताको सहयोगी सम्बन्धमा

यहीँ बैशाख ३० गते सम्पन्न हुने स्थानीय तह सदस्य निर्वाचनको सन्दर्भमा दृष्टिविहीन वा शारीरिक अशक्तता भएको वा अरु कुनै कारणले आफै मत संकेत गर्न नसक्ने भई मतदाताले आफ्नो साथमा आएको एकाघरको परिवारको सदस्यलाई मत संकेत गर्ने गोप्य स्थानमा आफूसँगै लैजाने अनुमति मागेमा मतदान अधिकृतले त्यस्तो व्यक्तिलाई मतदाताको साथमा मत संकेत गर्ने गोप्य स्थानमा प्रवेश गर्न अनुमति दिनुपर्ने प्रावधान रहेको छ । दृष्टि विहिन वा शारीरिक अशक्त भएको मतदाताको साथमा परिवारको सदस्यलाई संगै जान अनुमति दिंदा एक्लै मतदान कक्षमा गई आफै मतदान गर्न असमर्थ व्यक्ति हो होइन एकीन गरी अनुमति दिनुपर्ने, दृष्टिविहिन मतदाता वा मतपत्रमा मत संकेत गर्न नसक्ने मतदाताको साथमा जाने व्यक्तिले मतदान अधिकृतको रोहवरमा सम्बन्धित मतदाताले भने बमोजिमको निर्वाचन चिन्हमा मत संकेत गर्नुपर्ने व्यवस्था रहेको छ ।

कुनै मतदाताले दृष्टिविहीन वा शारीरिक अशक्तता भएको वा अरु कुनै कारणवश आफै मत संकेत गर्न नसक्ते भई मत संकेत गर्ने क्रममा सहयोग पुर्याउन मतदान अधिकृतलाई अनुरोध गरेमा र मतदान अधिकृतलाई सो कुरा उपयुक्त लागेमा मतदान अधिकृतले त्यस्तो मतदाताको मतपत्रमा निजको इच्छा अनुसार मत संकेत गर्ने क्रममा सहयोग गर्नुपर्ने व्यवस्था स्थानीय तह निर्वाचन निर्देशिकामा रहेको र सो व्यवस्था अनुसार कुनै मतदाताको कुनै एकाघरको परिवारको सदस्य उसको वारिस नभई सहयोगी मात्र भएको व्यवहोरा स्पष्ट हुन सरोकारवालाहरुलाई आयोगले आग्रह गरेको छ ।

(शालिग्राम शर्मा पौडेल)

सहसचिव एवम् प्रवक्ता

निर्वाचन आयोगको प्रेश विज्ञप्ति

समावेशी निर्वाचन सम्बन्धी जनचेतनामूलक भिडियो

NFDN Nepal — Thu, 05 May 2022 09:11:12 +0000

“मतदान प्रकृया र मतदानस्थलहरूलाई सबै अपाङ्गता भएका व्यक्तिहरुको लागि पहुँचयुक्त बनाउँ । सबैको मतदानको अधिकार सुनिश्चित गरौँ ।”

सार्वजनिक संरचनामा भौतिक पहुँचको व्यवस्था (Provisions for Physical Access in Public InfrastructureS)

NFDN — Mon, 04 Nov 2019 10:26:10 +0000

(राष्ट्रिय भवन आचारसंहितामा उल्लेखित व्यवस्था)

सुविधा :

अपाङ्गता भएका व्यक्तिहरूको स्वतन्त्र आवागमन र उपयोगलाई सहज तुल्याउन सार्वजनिक भौतिक संरचनाहरू लगायत सञ्चार तथा सूचना सेवाहरु सबै अपाङ्गता भएका व्यक्तिहरुका लागि मैत्रीपूर्ण र पहुँचयुक्त बनाउनुपर्ने प्रावधान छ । भौतिक संरचनाहरु कस्तो बनाउनुपर्ने, त्यसको मापदण्ड के हुने भन्ने बारेमा नेपाल सरकारले छुट्टै निर्देशिका निर्माण गरि लागू गरेको छ ।

सुविधाका हकदार :

नेपाल सरकारद्वारा गरिएको अपाङ्गताको परिभाषा तथा वर्गीकरणमा समेटिने खास गरेर शारीरिक अपाङ्गता भएका व्यक्तिहरू ।

सुविधा प्रदान गर्ने ठाउँ/निकाय :

भौतिक योजना तथा निर्माण मन्त्रालयअन्तर्गत सहरी विकास तथा भवन निर्माण विभाग, सडक विभाग, नीजि क्षेत्रका निर्माण कम्पनीहरु, प्रत्येक मन्त्रालयका भौतिक निर्माण सम्बन्धी काम गर्ने निकायहरु र यससँग सम्बद्ध स्थानीय निकाय, नगरपालिका तथा गाउँ विकास समितिका कार्यालयहरू ।

सेवा प्राप्त गर्ने प्रक्रिया

क) सार्वजनिक संरचनाहरूको निर्माण तथा पुनर्निर्माणमा राष्ट्रिय भवन निर्माण आचारसंहिता र मन्त्रीपरिषदले २०६९ सालमा पारित गरि सबै सरोकालवालहरुले मान्नुपर्ने गरि लागू गरेको अपाङ्गता भएका व्यक्तिहरुका लागि भौतिक वातावरण तथा सञ्चार सेवामा पहुँच सम्बन्धी निर्देशिका २०६९ को कार्यान्वयन गराउनुपर्ने र यसको अनुगमन गर्नुपर्ने ।
ख) नक्सा अपाङ्गता मैत्री भए/नभएको र सोअनुसार कार्यान्वयन भए/नभएको नगरपालिका र गाविसले अनुगमन गर्ने ।

सुविधा प्राप्त गर्ने आधार

क) नेपाल सरकार मन्त्री परिषदले २०६९ सालमा पास गरि लागू गरेको अपाङ्गता भएका व्यक्तिहरुका लागि भौतिक बातावरण तथा सञ्चार सेवामा पहुँच सम्बन्धी निर्देशिका २०६९ मा गरिएका सबै व्यवस्थाहरु ।
ख) नेपाल राष्ट्रिय भवन निर्माण आचारसंहिता, २०६० Nepal National Building Code, NBC 206 : 2003 5.0 : Requirement for the physically disabled
5.1 : At least one primary entrance to a building shall be useable by the physically disabled and be on the level that would provide access to elevators where provided.
5.2 : Access ramps for wheelchairs shall not have gradients in access of
1:12 level platforms shall be provided at max 1800 mm flight. Level platform shall also be provided at tops and changes of direction. The minimum widths of wheelchair accessible ramps shall be 900 mm for apartments and residential use and 1000 mm for all other building types. Handrails are required when the total rise exceeds 600 mm
5.3 : The areas accessible by wheelchair shall have a flush threshold and openings with minimum clear width of 775 mm. If double leaf entrance door are provided the single leaf opening shall meet the above clear width.

पहुँचयुक्तता सम्बन्धी मन्त्री परिषद्को निर्णय (Decision of Council of Ministers Regarding Accessibility)

NFDN — Mon, 04 Nov 2019 10:25:24 +0000

नेपाल सरकार मन्त्री परिषदले र राष्ट्रिय योजना आयोगले जारी गरेको परिपत्रमा अपाङ्गता भएका व्यक्तिहरुको लागि विभिन्न सेवा उपभोग गर्न विभन्न कार्यालयमा आवतजावतलाई सहज वनाउन मैत्रीपूर्ण र्याम्पको व्यवस्था गर्नुपर्ने निर्देशन दिइएको छ । यसै गरि शिक्षा मन्त्रालय, स्थानीय विकास मन्त्रालय र गृह मन्त्रालयले पनि आफ्ना स्थानीय निकायहरु रहने कार्यालयहरुमा आवश्यक ठाउँमा र्याम्पको व्यवस्था गर्नुपर्ने र नयाँ वन्ने विद्यालयहरु अपाङ्गता भएका व्यक्तिहरुको भौतिक पहुँच सुनिश्चित हुने गरि वनाउनुपर्ने वारेमा परिपत्रहरु गरिएको छ ।

अदालतका नयाँ वन्ने भवनहरु अपाङ्गता मैत्री हुनुपर्ने (New Buildings of Courts must be disability friendly)

NFDN — Mon, 04 Nov 2019 10:24:57 +0000

सुविधा :

अव नयाँ वन्ने अदालतका भवनहरु अपाङ्गता भएका व्यक्तिहरुको पहुँचलाई ध्यानमा राखेर वनाइनुपर्ने नीतिगत व्यवस्था रहेको छ । यस वाहेक सर्वाच्च अदालतले आफ्ना मातहतका सवै अदालतहरुमा सूचना तथा सहयोग कक्ष स्थापना गरि अशक्त व्यक्तिहरुलाई सेवा प्रदान गर्न र अपाङ्गता भएका व्यक्तिहरुका सहयोगीलाई अदालत प्रवेशमा सहजता प्रदान गर्न निर्देशन दिएको छ ।

सुविधाका हकदार :

अपाङ्गता भएका व्यक्तिहरु

सेवा सुविधा प्रदान गर्ने निकाय :

सर्वोच्च अदालत, अनुसंधान तथा योजना महासाखा

सुविधा प्राप्त गर्ने कानूनी वा नीतिगत आधार :

न्यायपालिकाको पञ्चवर्षीय रणनीति २०६६ — ०७१.