श्री अध्यक्ष ज्यू,
राष्ट्रिय अपाङ्ग महासंघ नेपालका सम्पूर्ण सदस्य संस्थाहरु ।

विषय :  महाधिवेशन तथा वार्षिक साधारण सभाको मिति परिवर्तन सम्बन्धमा ।

प्रस्तुत बिषयमा राष्ट्रिय अपाङ्ग महासंघ नेपालको ९औँ महाधिवेशन तथा २१औँ वार्षिक साधारण सभा मिति २०७९/०७/२१ र २२ गते आयोजना गरिएकोमा जिल्ला प्रशासन कार्यालय बाँकेको पत्रानुसार मिति २०७९/०८/०४ गते हुने आसन्न निर्वाचन पश्चात महाधिवेशन गर्न महासंघलाई पत्र प्राप्त भएको जानकारी गराउदँछु । 

यसै बिषयमा राष्ट्रिय अपाङ्ग महासंघ नेपाल संघीय कार्य समितिको मिति २०७९/०७/१५ को निर्णय अनुसार ९औँ महाधिवेशन तथा २१औँ वार्षिक साधारण सभा मिति २०७९/०८/१३ र १४ गते हुने गरी मिति परिवर्तन गरिएको व्यहोरा जानकारी गराइन्छ ।

………………..
(राजु बस्नेत)
 महासचिव  

सदस्य संस्थाहरुबाट प्राप्त प्रतिनिधीहरुको नामावली डाउनलोड गर्नुहोस् (पहुँचयुक्त)

Namelist of representative

उक्त महाधिवेशन तथा वार्षिक साधारण सभामा भाग लिन राष्ट्रिय अपाङ्ग महासंघ नेपालको विधान २०५० (पाँचौ संशोधन २०७४) को परिच्छेद ३ को दफा ९ अनुसार अनुसार योग्यता पुगेका सम्पूर्ण सदस्य संस्थाहरुको अन्तिम विवरण यसैसाथ सार्वजनिक गरिएको छ ।

महासंघमा मिति २०७९/०५/२२ भित्र आवद्धता वा नवीकरण भइसकेका तर यस सूचीमा नामावली छुट भएको भए सम्बन्धित संस्थाको आधिकारीक व्यक्तिले आवश्यक प्रमाण सहित मिति २०७९/०६/५ गते भित्र महासंघमा निवेदन दिनु हुन समेत सूचित गरिन्छ ।

सँस्थाको नामावली यस प्रकार रहेको छ ।

नोटः

• निम्न टेवलमा एकपल्टमा ५० वटा संस्थाको मात्र नाम देखिनेछ । त्यसपछि अर्को पृष्ठमा जानको लागि टेबलको अन्त्यमा रहेको “>” चिन्हमा थिच्नुहोला । फेरी अगाडीको पृष्ठमा फर्कनको लागि “<” बटन थिच्नुहोला ।
• टेवलको सुरुमा रहेको “प्रदेश” छान्ने ठाउँबाट कुनै प्रदेश छानेर सोहि प्रदेशका संस्थाहरूको नाम मात्र पनि हेर्न सकिनेछ ।
• यो टेवल पुर्णरूपमा पहुँचयुक्त भएन भने, यस समाचारको अन्त्यमा रहेको एक्सेल फाईललाई डाउनलोड गरेर पनि संस्थाको नामावली हेर्न सक्नुहुनेछ ।

• पृष्ठभूमी

यहि मिति २०७९ साल असोज २७ र २८ गते लुम्बिनी प्रदेश बाँके जिल्लाको नेपालगञ्जमा राष्ट्रिय अपाङ्ग महासंघ नेपालको २१औँ साधारणसभा तथा ९ औँ महाअधिवेशन हुनगैरहेको र उक्त महाअधिवेशनबाट महासंघको नयाँ संघीय कार्यसमितिको निर्वाचन समेत हुने भएको हुनाले मुख्य गरेर निर्वाचनको प्रयोजनको लागि विद्युतीय मतदान मेसिन (Electronic Voting Machine) प्रयोग गरिने भएको हुनाले सो महाअधिवेशनस्थलमा सो मेसिन उपलब्ध गराइ प्राविधिक सेवा समेत दिनको लागि नेपाल सरकारको कानुन अनुसार भ्याटमा दर्ता भएको, कर चुक्ताको प्रमाणपत्र भएको र नियमानुसार नविकरण भएको योग्य कम्पनी वा फर्मलाइ यो सूचना प्रकाशित भएको मितिले ७ दिनभित्र मुल्य सहितको आशयपत्र (कोटेशन) पेश गर्नुहुन यो सूचना आह्वान गरिएको छ ।

• सेवा प्रदान गर्ने कम्पनी वा फर्मसँग अपेक्षा गरिएको कार्य अनुभव
• कम्पनीसँग विद्युतीय भोटीङ मेसिन निर्माण गर्ने, निर्वाचनको अवधिमा सञ्चालन गर्ने र त्यसको लागि चाहिने प्राविधिक सहयोग उपलब्ध गराउने अनुभव भएको ।
• विभिन्न संघ संस्था वा सरकारले गर्ने निर्वाचनहरूमा विद्युतीय भोटिङ मेसिन उपलब्ध गराएको तथा सञ्चालनमा प्राविधिक सहयोग गरेको अनुभव हुनुपर्ने ।
• अपाङ्गता भएका व्यक्तिका लागि काम गर्ने संघ संस्थाहरूको निर्वाचन गराएको अनुभव भएको ।
• पहुँचयुक्तता सम्बन्धी अनिवार्य शर्तहरू
• मेसिनमा गरिने कामहरू जस्तै (व्यालेट डिजाइन, उम्मेद्वारको विवरण लगायत) नेपाली भाषामा हुनुपर्ने ।
• राष्ट्रिय अपाङ्ग महासंघ नेपालले सञ्चालन गर्ने निर्वाचनमा मतदाताको रूपमा भाग लिन विभिन्न प्रकारका अपाङ्गता भएका व्यक्तिहरू आउने भएको हुनाले विद्युतीय भोटिङ मेसिन शारीरिक अपाङ्गता भएका व्यक्ति, बौद्धिक अपाङ्गता भएका व्यक्ति, दृष्टिविहीन व्यक्ति, न्युनदृष्टियुक्त व्यक्ति, बहिरा व्यक्ति वा हातले मतदान गर्न अवरोध हुने व्यक्ति लगायत सबैले प्रयोग गर्न मिल्नेगरि पहुँचयुक्त बनाइएको हुनुपर्ने ।
• मेशिनमा मतदान गर्ने स्थानको उचाइ होचापुड्का, ह्वीलचियर प्रयोगकर्ता, वैशाखी प्रयोगकर्ता सबैका लागि सहज हुनेगरि हुनुपर्ने ।
• अनुमानित मतदाताहरूको संख्याः ८०० जना विभिन्न प्रकारका अपाङ्गता भएका व्यक्ति वा अभिभावक ।
• निर्वाचन हुने दिनः २०७९ साल असोज २८ गते
• लागतमा समावेश गर्नुपर्ने न्यूनतम विषयहरू
• प्रति मेशिन प्रतिदिनको लागत
• जम्मा उपयोग हुने मेशिनको संख्या
• ढुवानी खर्च
• प्राविधिकहरूको खर्च
• प्रस्ताव पेश गर्दा पेश गर्नुपर्ने कागजात
• संस्थाको लेटर हेडमा छाप सहितको पत्र
• आर्थिक लागत विवरण सहितको प्राविधिक प्रस्ताव
• कंपनी भ्याट दर्ता प्रमाणपत्र
• आ.ब. २०७८/०७९ को कर चुक्ता प्रमाणपत्र
• नविकरण गरेको प्रमाण
• प्रस्ताव पेश गर्नुपर्ने निकाय तथा ठेगाना

राष्ट्रिय अपाङ्ग महासंघ नेपाल, भृकुटीमण्डप, काठमाडौ

इमेलः admin@nfdn.org.np, or accounts@nfdn.org.np

थप जानकारीको लागिः मनिष प्रसाई, प्रशासकीय व्यवस्थापक

फोनः ९८५१२४९३८०

राष्ट्रिय अपाङ्ग महासंघ नेपालको २१ औँ साधारण सभा तथा ९ औँ महाधिवेशन यहि मिति २०७९ साल असोज २७ र २८ गते लुम्विनी प्रदेश, बाँके जिल्लाको नेपालगञ्जमा गर्ने निर्णय गरिएको हुनाले महासंघको विधानको परिच्छेद ३ को  दफा ९ अनुसार अनुसार नवीकरण, आवद्धता र पुनःआवद्धता सम्बन्धी योग्यता पुगेका सम्पूर्ण सदस्य संस्थालाई उपस्थितिको लागि हार्दिक अनुरोध गरिन्छ ।

१. साधारणसभा तथा महाधिवेशनमा छलफल तथा निर्णय गरिने प्रस्तावहरू देहायबमोजिम रहेका छन् ।

क. बार्षिक प्रगति प्रतिवेदन
ख. गत आर्थिक वर्षको आर्थिक प्रगति प्रतिवेदन
ग. लेखा परिक्षक नियुक्ति
घ.संघीय कार्यसमितिको निर्वाचन
ङ. विविध
२. साधारणसभा तथा महाधिवेशनमा भाग लिन आउने संस्था र संस्थाका प्रतिनिधिहरूले ध्यान दिनुपर्ने कुराहरू र पुरा गर्नुपर्ने                     प्रकृयाहरू ।

 संस्थाले प्रतिनिधि वा पर्यवेक्षक छनौट गर्दा पुरा गर्नुपर्ने प्रकृयाहरू

१. संस्थाको लेटर हेडमा आधिकारिक हस्ताक्षर र छाप सहित प्रतिनिधि वा पर्यवेक्षकको नाम, लिंग र अपाङ्गता उल्लेख गरि पठाइएको पत्र हुनुपर्ने ।

२. संस्थाको कार्य समितिले बैठक वसि वहुमतले प्रतिनिधि वा पर्यवेक्षक पठाउने भनि गरेको निर्णयको प्रतिलिपी संलग्न हुनुपर्ने ।
३. महासंघको विधानको दफा ११ (१) मा उल्लेखित प्रावधान अनुसार दुइ जना प्रतिनिधि पठाउने योग्यता पुगेका संस्थाले एक महिला सहित दुइ प्रतिनिधि पठाउनुपर्नेछ । यदि दुवैजना पुरूष पठाएको हकमा एकजनालाइ मात्र प्रतिनिधि कायम गरिनेछ ।
४. कार्य समितिमा वहुमत अपाङ्गता भएका व्यक्ति नभएको संस्थाले १ जना पर्यवेक्षक मात्र पठाउन सक्नेछ ।
५. प्रतिनिधि, पर्यवेक्षक, व्यक्तिगत सहयोगी लगायतका लागि कार्डको व्यवस्था गरिएको हुनाले प्रतिनिधि तथा पर्यवेक्षकहरूले अनिवार्य रूपमा कार्डमा राख्ने पासपोर्ट साइजको फोटो पठाउनुपर्नेछ । फोटोको पछाडी नाम लेखेर फोटो पठाउनुहुन अनुरोध छ ।
६. यदि कुनै प्रतिनिधि वा पर्यवेक्षकलाइ व्यक्तिगत सहयोगीको जरूरत भएमा सो व्यक्तिगत सहयोगीको नाम, थर र लिंग स्पष्ट रूपमा उल्लेख गरि प्रनितिधिको नामावली पठाउँदा नै साथै पठाउनुपर्ने ।
७. प्रतिनिधिको नाम र सम्बन्धित कागजात २०७९ साल असोज १० गते भित्र nfdn2050@gmail.com इमेल मार्फत महासंघको केन्द्रीय कार्यालयमा आइसक्नुपर्नेछ ।
८. असोज १० भन्दा पछि आएका नामहरूलाई महाधिवेशन वा साधारणसभामा सहभागी गराइनछैन ।

यातायात, खाना तथा आवास सम्बन्धी व्यवस्था

१ . प्रतिनिधि, पर्यवेक्षक र व्यक्तिगत सहयोगीहरूको आते जाते यातायात, बाटोको खाना तथा आवास खर्च राष्ट्रिय अपाङ्ग महासंघले व्यहोर्ने छैन । यस्तो खर्च सम्बन्धित संस्था वा व्यक्तिले व्यहोर्नु पर्नेछ ।
२. प्रतिनिधि तथा पर्यवेक्षकका लागि खाना तथा खाजाको व्यवस्था महाधिवेशनस्थलमा नै गरिनेछ । देहायबमोजिम मितिको खाना महासंघले व्यवस्था गर्नेछ ।

३. प्रतिनिधि, पर्यवेक्षक र सहयोगी, दोभाषेहरूको लागि महासंघले महाधिवेशन भएको स्थानमा आवासको व्यवस्था गर्नेछ । यस्तो व्यवस्था असोज २६ गते बेलुका, २७ गते बेलुका र २८ गते वेलुकाको लागि गरिनेछ ।

पहुँचयुक्तता तथा उपयुक्त अनुकुलता

१. कार्यक्रम स्थल स्रोत र साधनले भ्याएसम्म पहुँचयुक्त बनाउने प्रयास गरिनेछ ।
२. बहिरा प्रतिनिधिहरूको लागि कार्यक्रम स्थल र सभा स्थलमा सांकेतिक भाषा दोभाषेको व्यवस्था गरिनेछ ।
३. सुस्त श्रवणहरूको लागि क्याप्सनर वा नोट टेकरको व्यवस्था गरिनेछ ।
४. श्रवणदृष्टिविहीन व्यक्तिको लागि दोभाषेको व्यवस्था गरिनेछ ।

विभिन्न फारमहरु देहायबमोजिम राखिएको छ:

AGM_Invitation

प्रतिनिधी फारम

सदस्य संस्थाहरुलाई निमन्त्रणा पत्र