workshop participants busy in discussion in meeting hall
| |

अपाङ्गता भएका व्यक्तिहरुको राष्ट्रिय सर्वेक्षण प्रश्नावलीको मस्यौदा तयारी विषयक छलफल

Posted on

राष्ट्रिय अपाङ्ग महासंघ नेपालले अपाङ्गता भएका व्यक्तिहरुको राष्ट्रिय सर्वेक्षण गर्नका लागि प्रयोग गर्ने प्रश्नावलीको मस्यौदा तयार गरेको छ । काठमाण्डौंमा एक कार्यक्रमको आयोजना गरी उक्त प्रश्नावली सार्वजनिक गरिएको हो । प्रकाशित प्रश्नावलीले अपाङ्गता भएका व्यक्तिहरुको विस्तृत तथ्याङ्क लिनका लागि २ वटा मोड्युल तयार गरेको छ । जस अन्तर्गत पहिलो मोड्युलले परिवारका कोही सदस्य अपाङ्गता भए नभएको निर्क्योल गर्नेछ भने दोस्रो मोड्युलले पहिलो मोड्युलको स्क्रिनिङ्गबाट पहिचान भएका परिवारका सदस्यहरुसँग तथ्याङ्क लिनका लागि प्रयोग गरिनेछ । प्रश्नावलीको दुवै मोड्युलहरु Washington group of Questionnaire को ६ प्रश्नमा आधारित रहेर बनाइएको छ । यद्यपि उक्त प्रश्नावलीले नेपाल जस्ता विकासोन्मुख राष्ट्रहरुमा बसोबास गर्ने अपाङ्गता भएका व्यक्तिहरुको पुरा विवरण सहितको तथ्याङ्क संकलन गर्नका लागि पुर्ण अनुकुल नहुने र यसले विकासात्मक अपाङ्गता र रक्त सम्बन्धि समस्या भएका व्यक्तिहरुलाई सम्बोधन नगरिने हुँदा सो विषयलाई सम्बोधन गर्नका लागि समेत २ वटा थप प्रश्नहरु समावेश गरी प्रश्नावली निर्माण गरिएको कुरा जानकारी गराइएको थियो । उक्त प्रश्नावलीले अपाङ्गता भएका व्यक्तिहरुको आर्थिक‚ सामाजिक‚ स्वास्थ्य सम्बन्धि‚ सहायक सामाग्री प्रयोगको अवस्था‚ परिचय पत्र प्राप्तिको विवरण‚ निर्णय प्रक्रियामा उनीहरुको सहभागिता‚ बैंकिङ् सेवा तथा वित्तिय क्षेत्रको उपभोग‚ यौन तथा प्रजनन स्वास्थ्य लगायत अन्य विषयहरुको बारे जानकारी लिन ३३९ वटा प्रश्नहरु राखिएको कुरा जानकारी गराइएको थियो । उक्त प्रश्नावलीलाई अब अपाङ्गता भएका व्यक्तिहरुको विचमा पुर्याइ प्रारम्भिक नमुना सर्वेक्षण गरी प्राप्त पृष्ठपोषणको आधारमा अन्तिम रुप दिइने कुरा समेत जानकारी गराइएको थियो ।

संयुक्त राष्ट्र संघीय विकास कार्यक्रम (युएनडीपी)को सहयोगमा राष्ट्रिय अपाङ्ग महासंघ नेपालमा सञ्चालित परियोजना अन्तर्गत गरिएको कार्यक्रममा राष्ट्रिय अपाङ्ग महासंघ नेपाल संघीय कार्यसमितिका सचिव सृजना केसीको अध्यक्षतामा सम्पन्न भएको कार्यक्रममा राष्ट्रिय तथ्यांक कार्यालयका निर्देशक ढुण्डीराज लामिछाने‚ प्रश्नावली तयारी गर्नुभएका परामर्शदाता केशब कुमार गौतम र अपाङ्गता अधिकारकर्मी एंव राष्ट्रिय अपाङ्ग महासंघ नेपालका सल्लाहकार डा विरेन्द्रराज पोख्रेलले प्रश्नावलीको बारेमा प्रस्तुतिकरण गर्दै सहभागीहरुको जिज्ञासा समेत समाधान गर्नुभएको थियो । उक्त कार्यक्रममा अपाङ्गताको क्षेत्रमा क्रियाशिल संघसंस्थाका प्रतिनिधीहरु‚ अपाङ्गताको क्षेत्रमा काम गर्ने गैर सरकारी संस्थाका प्रतिनिधीहरु‚ अपाङ्गता अधिकारकर्मीहरु र पत्रकारहरुको उल्लेखनिय सहभागिता रहेको थियो ।

 

Similar Posts

  • राष्ट्रिय अपाङ्ग महांसघ नेपाल गण्डकी प्रदेशको सूचना

    राष्ट्रिय अपाङ्ग महासंघ नेपाल गण्डकि प्रदेश कार्य समितिको मिति २०७८ पौष १३ गते पोखरामा बसेको ११औँ पूर्ण बैठकले यस समितिको दोस्रो अधिवेशन आगामि पौष २९ र ३० गते पोखरामा आयोजना गर्ने निर्णय गरेको कुरा  जानकारि गराउन चाहन्छु।  उक्त अधिवेशनका लागि राष्ट्रिय अपाङ्ग महासंघ नेपालको बिधान २०५० पांचौँ सम्सोधन २०७४ को दफा ११ को उपदफा  १ (क) अनुसार  संस्थाबाट एक जना महिला र एक जना पुरुष प्रतिनिधि, पत्र प्राप्त भए पश्चात बसेको कार्य समितिको बैठकको निर्णयको प्रतिलिपि, संस्थाको आधिकारिक लेटर प्याडमा अध्यक्ष वा सचिवले हस्ताक्षर गरेको पत्र, प्रतिनिधिको अपाङ्गता परिचय पत्रको प्रतिलिपि र २ प्रति फोटो  र प्रतिनिधि  फाराम भरि आगामि पौष २५ गते भित्र महासंघ गण्डकी प्रदेश कार्यालय  तेर्सापट्टि पोखरा वा gandaki@nfdn.org.np मा पठाइदिनु हुन अनुरोध गरिन्छ ।

  • अपाङ्गता भएका ब्यक्तिको अधिकार सम्बन्धी नियमावली २०७६ सम्बन्धी प्रेस बिज्ञप्ती

    अपाङ्गता भएका ब्यक्तिको अधिकार सम्बन्धी बिधेयक २०७४ श्रावण २२ गते प्रतिनिधि सभाबाट अनुमोदन भइ २०७४/६/२९ गते सम्माननीय राष्ट्रपति ज्यूबाट प्रमाणिकरण भएपछि औपचारिक रूपमा उक्त विधेयक ऐनको रूपमा लागू भएको हो । सो ऐनको दफा १ मा यो ऐन प्रमाणीकरण भएको एकानब्बेऔँ दिन देखी लागू हुनेछ भन्ने उल्लेख छ र ऐनमा व्यवस्था भए अनुसार ऐनलाइ पूर्ण रूपमा कार्यान्वयन गर्न चाहिने नियमावली सो अवधिमा बनाइसक्नुपर्ने प्रावधान समेत राखिएको छ । तर ऐन पारित भएको तिन बर्षपछि मात्र आम अपाङगता भएका ब्यक्तिहरुको प्रतिक्षाको रुपमा रहेको नियमावली २०७७ श्रावण ५ गते मन्त्री परिषद्ले पारित गरि २०७७/५/१ गते नेपाल राजपत्रद्धारा सार्वजनिक गरेको छ । यस परिप्रेक्षमा सर्वप्रथम नियमावलीले पूर्ण अशक्त र अति अशक्त अपाङ्गता भएका ब्यक्तिहरुलाइ सेवा सुविधामा प्राथमिकतामा राख्ने र उनीहरूलाई सेवा सुविधामा पहुँच पुर्याउन विशेष व्यवस्थाहरू गर्ने गरि राखिएका प्रावधानहरूको राष्ट्रिय अपाङ्ग महासंघ नेपाल स्वागत गर्दछ । तर, अपाङ्गता भएका ब्यक्तिको अधिकार सम्बन्धी ऐन २०७४ ले तोक्नु भनेका धेरै विषयहरू, नेपालको संविधानमा भएका व्यवस्था र नेपाल सरकारको नियमित नीति, कार्यक्रम, बजेट र पहिलेदेखिनै गर्दै आएका राम्रा अभ्यासहरुलाई भने नियमावलीले पूर्ण रुपमा समेटन् सकेको छैन ।

  • कर्मचारी आवश्यकता सम्बन्धी सूचना

    पहिलोपटक प्रकाशित मितिः २०७९/०७/२४ कर्मचारी आवश्यकता सम्बन्धी सूचना महिला बालबालिका तथा ज्येष्ठ नागरिक मन्त्रालय अन्तर्गत अपाङ्गता अधिकार प्रवर्धन शाखामा सांकेतिक भाषा दोभाषेको रूपमा…

  • संचारकर्मी, संचार माध्यमका प्रतिनिधिहरू र पत्रकारहरूलाइ अपाङ्गता सम्बन्धी अभिमुखीकरण

    राष्ट्रिय अपाङ्ग महासंघ नेपालको आयोजना, राष्ट्रिय अपाङ्ग महासंघ नेपाल प्रदेश ५, प्रदेश समितिको समन्वय र प्लान नेपालको सहयोगमा मिति २०७६ साल असौज ११…