संचारकर्मी, संचार माध्यमका प्रतिनिधिहरू र पत्रकारहरूलाइ अपाङ्गता सम्बन्धी अभिमुखीकरण

Posted on

राष्ट्रिय अपाङ्ग महासंघ नेपालको आयोजना, राष्ट्रिय अपाङ्ग महासंघ नेपाल प्रदेश ५, प्रदेश समितिको समन्वय र प्लान नेपालको सहयोगमा मिति २०७६ साल असौज ११ गते बुटवलमा नवलपरासी, कपिलवस्तु, पाल्पा र रूपन्देहीका विभिन्न स्थानीय संचार माध्यमका प्रतिनिधि, अपाङ्गता भएका पत्रकारहरू, एफ.एम.का स्टेशनहरूका स्टेशन म्यानेजर, स्थानीय टेलिभिजनका कार्यक्रम प्रस्तोताहरू र समाचार प्रमुखहरूलाइ अपाङ्गताका सवालहरूलाइ संचारमाध्यमहरूमा कसरी उठान गर्ने भन्ने विषयमा १ दिने अभिमुखीकरणको आयोजना गरियो ।

Participation in Orientation program in Butwal
Photo: Participation in Orientation program in Butwal

उक्त अन्तरकृयामा अपाङ्गताको अधिकारमुखी अवधारणा, नेपाल सरकारले गरेको अपाङ्गताको परिभाषा र वर्गीकरण, अपाङ्गता भएका व्यक्तिहरूका लागि प्रयोग गरिने मर्यादित शब्दावली, संचार माध्यममा अपाङ्गता भएका व्यक्तिहरूको सकारात्मक छवीलाइ कसरी प्रस्तुत गर्ने तरिकाहरू, अपाङ्गताका सवालहरूलाइ संचार माध्यमहरूमा उठान गर्दा ध्यान पुर्याउनुपर्ने कुराहरू र मिडीया कोडमा भएका अपाङ्गता सम्बन्धी व्यवस्थाको वारेमा व्यापक छलफल गरिएको थियो ।

महासंघका प्रदेश नं. ५ का अध्यक्ष श्री देवीदत्त आचार्यको अध्यक्षतामा आयोजित उक्त अभिमुखीकरण कार्यक्रमको संचालन प्रदेश समितिका सचिव श्री हुमनाथ अधिकारीले गर्नुभएको थियो भने स्वागत मन्तव्य उपाध्यक्ष श्री शारदा भट्टराइले गर्नुभएको थियो । कार्यक्रममा विभिन्न विषयमा अभिमुखीकरण राष्ट्रिय अपाङ्ग महासंघका संघीय अध्यक्ष श्री मित्रलाल शर्मा र प्रशासकीय व्यवस्थापक श्री मनिष प्रसाइले दिनुभएको थियो । ३० जनाको उपस्थिति रहेको उक्त कार्यक्रममा चार जिल्लाका विभिन्न संचार माध्यमका २५ जना संचार कर्मी र पत्रकारहरू सहभागी भएका थिए ।

Similar Posts

  • Vacancy for different Positions at NFDN

    National Federation of the Disabled Nepal (NFDN) is the national umbrella organization of persons with disabilities representing more than 331 member organizations throughout the country. NFDN has been working for promoting the rights of persons with disabilities by contributing for disability inclusive development, ensuring representation of persons with disabilities in decision making process, capacity building of Disabled Peoples’ Organizations (DPOs) and other stakeholders, implementation of CRPD and disability specific national legal frameworks and awareness raising on disability rights. As the representative of most marginalized community NFDN is recognized as the pioneer and facilitator for bringing disability related policies and laws in Nepal.

  • अपाङ्गता भएका व्यक्तिहरुको सवालमा भर्चुअल अन्तर्क्रिया

    कोरोनाको महामारीको संकटमा अपाङ्गता भएका व्यक्तिहरुको अधिकारको अवस्था र दिगो विकासका लक्ष्यहरुका सवालहरुमा भचुअल माध्यमबाट साक्षत्कार गर्ने उद्देश्यले राष्ट्रिय मानव अधिकार आयोगको आयोजना र राष्ट्रिय अपाङ्ग महासंघ नेपालको समन्वयमा मिति  २०७८/०१/३१ मा सरकारी तथा गैरसरकारी सरोकारवाला निकायहरुबीच अन्तरकृया/छलफल कार्यक्रम सम्पन्न भएको छ ।

    आयोगका माननीय सदस्य सूर्य ढुङ्गेलको अध्यक्षतामा सम्पन्न उक्त कार्यक्रममा आयोगका माननीय सदस्यहरु, केन्द्रिय तथा प्रदेश संचरनाका विभिन्न व्यक्तित्वहरु, गृहमन्त्रालय राष्ट्रिय आपतकालिन कार्य संचालन केन्द्र, महिला बालबालिका तथा ज्येष्ठ नागरिक मन्त्रालय, स्वास्थ्य तथा जनसंख्या मन्त्रालय, गृह मन्त्रालय विपद जोखिम न्यूनीकरण तथा व्यवस्थापन प्राधिकरण, अपाङ्गताको अधिकार प्रर्वद्धन शाखा, स्वास्थ्य सेवा विभाग,राष्ट्रिय समावेशी आयोग सहितका प्रतिनिधिहरुको उल्लेखिय उपस्थिति रहनुभएको थियो । यसै गरी राष्ट्रिय अपाङ्ग महासंघका संघीय तथा प्रादेशिक संरचनाका पदाधिकारी तथा सदस्यहरु, अपाङ्गताको अधिकारको क्षेत्रमा काम गर्ने मानव अधिकारकर्मी, वर्गीय संघ संस्थाहरु, नागरिक समाज तथा संचारकर्मीहरुसहित करिब १९५ जनाको सकृय सहभागिता रहेको थियो ।

  • राष्ट्रिय जनगणना सम्बन्धी जनचेतनामूलक भिडियो

    “मेरो जनगणना मेरो सहभागिता, राष्ट्रिय जनगणना २०७८” बिक्रम संवत २०७८ साल कार्तिक २५ गते देखि मंसिर ९ गते सम्म सञ्चालन हुनगैरहेको राष्ट्रिय जनगणनामा सबै अपाङ्गता भएका व्यक्तिहरूको गणना सुनिश्चित गरौँ । अपाङ्गता सम्बन्धी तथ्याङ्कको अभावमा अपाङ्गता भएका व्यक्तिको पक्षमा प्रभावकारी योजना, नीति र कार्यक्रम बन्न नसकेकिरहेको र उनिहरू राज्यबाट पाउने सेवा सुविधा र अवसरबाट बञ्चित भैरहेको वर्तमान परिप्रेक्षलाइ मध्यनजर गर्दै सम्पूर्ण अपाङ्गता भएका व्यक्ति, उनीहरूका संस्था, यस क्षेत्रमा कार्यरत सम्पूर्ण सरोकारवाला, सञ्चार माध्यम, राजनैतिक दल, संघसंस्था, नागरिक समाज, नीजि क्षेत्र, अपाङ्गता भएका व्यक्तिका परिवार, आफन्त लगायत सबैले यस पटकको जनगणनामा अपाङ्गता भएका व्यक्तिको गणना सुनिश्चित गराउन आ-आफ्नो क्षेत्रबाट पहल गर्न राष्ट्रिय अपाङ्ग महासंघ नेपाल हार्दिक अनुरोध गर्दछ । गणनामा कतैपनि अपाङ्गता भएका व्यक्ति नछुटुन, नदोहोरिउन।

  • अपाङ्गता मैत्री बिद्युतीय मतदान मेशिन उपलब्ध गराउने सम्बन्धी राष्ट्रिय अपाङ्ग महासंघ नेपालको सूचना ।

    अपाङ्गता मैत्री बिद्युतीय मतदान मेशिन उपलब्ध गराउने सम्बन्धी राष्ट्रिय अपाङ्ग महासंघ नेपालको सूचना । पृष्ठभूमी यहि मिति २०७९ साल असोज २७ र २८…

  • परियोजना कार्यदल सदस्य छनोट सम्बन्धी सूचना

    राष्ट्रिय अपाङ्ग महासंघ नेपालको तर्फबाट २०७६ पौष २२ मा (आठ डिसेम्बर २०१९) महासंघको आधिकारिक वेवसाइट मार्फत प्रकाशित सूचना अनुसार “हामीलाई पनि समावेश गर”…

  • प्रेस विज्ञप्ति

    राष्ट्रिय अपाङ्ग महासङ्घ नेपाल अपाङ्गता भएका व्यक्तिहरूको अधिकारका लागि दृष्टिविहीन शिक्षक शोभा पौडेलको  आमरण अनशन प्रति ऐक्यबद्धता जनाउन जारी प्रेस विज्ञप्ति राष्ट्रिय अपाङ्ग…