प्रेस विज्ञप्ति
मिति : २०८१ जेठ २ गते
संविधानको मौलिक हकमा उल्लेख भएका अधिकार सम्बन्धी व्यवस्थाहरू कार्यान्वयन गर्न र अपाङ्गता भएका व्यक्तिहरूको अधिकार सम्बन्धी ऐन २०७४ र नियमावली २०७७ मा उल्लेख भएका अधिकार प्राप्तिका लागि विगत केही दिन देखि अपाङ्गता भएका व्यक्तिहरूले गरिरहेको शान्तिपूर्ण आन्दोलनमा सरकारको निर्देशनमा प्रहरीले राष्ट्रिय अपाङ्ग महासंघ नेपालका महासचिव सहित ५ जना अपाङ्गता भएका महिला‚ २ जना व्हिलचेयर प्रयोगकर्ता‚ २ जना पुर्ण दृष्टिविहीन‚ १ जना बहिरा‚ १० जना विभिन्न प्रकारका (शारिरिक‚ होचापुड्का‚ मस्तिष्क पक्षघात‚ श्रवणदृष्टिविहिन‚ अटिजम र बौद्धिक) अपाङ्गता भएका व्यक्ति लगायत २१ जना अपाङ्गता भएका व्यक्तिहरू लाई गिरफ्तार गरिनुका साथै कुटपिट गर्ने जस्ता अमानवीय कार्य प्रति महासंघको गम्भीर ध्यानाकर्षण भएको छ ।
राष्ट्रिय अपाङ्ग महासंघ नेपाल मानव अधिकार उल्लङ्घन र संवेदनशील वर्ग प्रति गरिएको यो ज्यादतीको घोर भर्त्सना गर्दछ । शान्तिपूर्ण आन्दोलन माथि हस्तक्षेप गरी सरकारले आफ्नो नग्नता प्रदर्शन गरेकोमा नागरिक समाज‚ बुद्धिजीवी र मानव अधिकारवादीहरूलाई समेत यो निन्दनीय कार्यको विरोध गर्नका साथै कानुन कार्यान्वयनमा सहजिकरण गर्न र आन्दोलनमा सघाउनका लागि हार्दिक आव्हान गर्दछौँ ।
छिटो भन्दा छिटो नेपालको संविधान २०७२ को धारा ४२ र ४३‚ अपाङ्गता अपाङ्गता भएका व्यक्तिहरूको अधिकार सम्बन्धी ऐन २०७४‚ नियमावली २०७७ र अपाङ्गता अधिकार सम्बन्धी महासन्धि २००६ को धारा १९ र २६ लाई समेत ध्यानमा राखी आन्दोलनरत पक्षको माग यथाशक्य सम्बोधन गर्नको निमित्त नेपाल सरकारसँग जोडदार माग गर्दछौ । मागको सम्बोधन यथोचित समयमा नगरिएमा एकीकृत सङ्घर्षको आन्दोलनमा राष्ट्रिय अपाङ्ग महासंघ नेपाल समेत जान बाध्य हुनेछ ।
रमेश पोख्रेल
प्रवक्ता
Share this post:
