|

अपाङ्गता समावेशीकरणको प्रवर्द्धनका लागि द्विपक्षीय/बहुपक्षीय संस्थाहरूसँग अन्तरक्रिया कार्यक्रम सम्पन्न

Posted on

सामुहिक तस्विरमा राष्ट्रिय समावेशी आयोगको माननीय अध्यक्ष राम कृष्ण तिमल्सिना, राष्ट्रिय अपाङ्ग महासंघ नेपाल संघीय उपाध्यक्ष अनिता घिमिरे, महासचिव सुगम भट्टराई, मीनराज पन्थी, अपाङताको क्षेत्रका विज्ञ डा. विरेन्द्र राज पोखरेल साथै विभिन्न द्विपक्षीय/ बहुपक्षीय संस्थाहरूको प्रतिनिधिहरु। राष्ट्रिय अपाङ्ग महासंघ नेपाल संघीय कार्यलय र सीवीएम ग्लोवलको साझेदारीमा सञ्चालित वहुवर्षीय परियोजना “हामीलाई पनि समावेश गर” अन्तरगत नेपालको विकास कार्यमा अपाङ्गता समावेशीकरणमा थप प्रवर्द्धनका लागि ए.आई. एन. र राष्ट्रिय समावेशी आयोग समेतको सहकार्यमा नेपालमा कृयाशील द्विपक्षीय/ बहुपक्षीय संस्थाहरूसँग अन्तरक्रिया कार्यशाला सम्पन्न गरिएको छ ।

काठमाण्डौको होटल हिमालयमा मिति २०८० जेष्ठ १२ गते आयोजना गरेको कार्यशालामा राष्ट्रिय सामावेशी आयोग, अमेरिकी दूतावास,   युएस ऐड, एसियाली विकास बैक, विश्व खाद्य कार्यक्रम, द लुथरन वर्ड फेडेरेशन, ए आई एन, सी वी एम ग्लोवलको लगायतको  २७ जनाको (१४ महिला र १३ पुरुष) सहभागी रहेको थियो। यस कार्यक्रमको उदेश्य नेपालमा भइरहेका विकास कार्यमा अपाङ्गता समावेशीकरणलाई थप बढवा दिनका लागि कृयाशील सस्थाहरु बीच सहकार्य गर्ने रहेको थियो।

द्विपक्षीय/ बहुपक्षीय संस्थाहरूको प्रतिनिधिहरु हलमा सहभागी हुदै।

यसै कार्यक्रमामा ७ वटा द्विपक्षीय/ बहुपक्षीय संस्थाहरूको अध्यन प्रतिवेदनको निष्कर्ष अपाङता क्षेत्रमा लामो अनुभव हासिल गर्नु भएका मीनराज पन्थीले प्रस्तुतीकरण गर्नु भएको थियो र राष्ट्रिय अपाङ्ग महासंघ नेपालले समावेशी बिकासमा कसरी सहयोग गर्न सक्छ भन्ने विषयमा अपाङताको क्षेत्रका विज्ञ डा. विरेन्द्र राज पोखरेल ज्यूले प्रस्तुतीकरण गर्नु भएको थियो भने सीवीएम ग्लोवलका अपाङ्गता समावेशी सल्लाहकार राजेशचन्द्र मरासिनीले नेपालको विकास सहायतामा अपाङ्गता समावेशीकरण मापन गर्ने विधीको प्रस्तुतीकरण गर्नु भएको थियो ।

यस कार्यक्रममा राष्ट्रिय समावेशी आयोगको माननीय अध्यक्ष राम कृष्ण तिमल्सिना, माननीय सदस्य विष्णुमाया ओझा, राष्ट्रिय अपाङ्ग महासंघ नेपाल संघीय उपाध्यक्ष अनिता घिमिरे, महासचिव सुगम भट्टराई ज्यूले आफ्ना विचार राख्नु भएको थियो।

Similar Posts

  • इन्टरनेशनल डिस्याविलिटी एलाइन्स (आइ.डी.ए.) ले कोरोना भाइरसको संक्रमणको महामारीको प्रतिकारलाई अपाङ्गता समावेशी बनाउन गरेका मुख्य सिफारिसहरू

    नोटः यो नेपाली अनुवाद राष्ट्रिय अपाङ्ग महासंघ  नेपालले कोभिड १९ विरूद्धको अभियानलाई अपाङ्गता समावेशी बनाउन अन्तर्राष्ट्रिय निकायहरू गरेका प्रयासहरू, तयार पारेका सुझाव, जानकारी सिफारिसहरूबाट सबै अपाङ्गता भएका व्यक्ति तथा स्थानीय सरोरकारवालाहरू लाभान्वित हुन भन्ने उद्देश्यले गरेको हो ।

  • कोटेशन आव्हान गरिएको सूचना

    मितिः २०८१ मंसिर २५ गते कोटेशन आव्हान गरिएको सूचना । राष्ट्रिय अपाङ्ग महासंघ नेपालको २२ औँ वार्षिक साधारण सभा यहि मिति २०८१ पौष…

  • सामाजिक सुरक्षा सम्बन्धी प्रेश विज्ञप्ती

    प्रस्तुत बिषयमा सामाजिक सुरक्षा नियमावली कार्यान्वयन गर्नभनि राष्ट्रिय परिचय पत्र तथा पञ्जीकरण बिभागले मिति २०७६/१२/२६ च.नं १३७० को परिपत्रसँगै रोकिएको सामाजिक सुरक्षा भत्ता निरन्तरताको लागि गत आ.व को अन्तिम चौमासिक र चालु आ.व को प्रथम चौमासिक नेपाल सरकार मन्त्रीपरिषदले सामाजिक सुरक्षा भत्ता शिर्षकमा बिनियोजित बजेटबाट खर्च लेख्ने गरि आर्थिक सहायता उपलब्ध गराउने गरी अस्थायी समाधान गरिएको थियो ।

  • सामाजिक सुरक्षा भत्ता सम्बन्धी प्रेश विज्ञप्ति

    अति अशक्त अपाङ्गता भएका ब्यक्तिहरुको सामाजिक सुरक्षा भत्ता कटौति गरिएको सन्दर्भमा राष्ट्रिय परिचय पत्र तथा पञ्जीकरण बिभागको च. नं १३७० मिति २०७६/१२/२६ को परिपत्रको विषयमा राष्ट्रिय अपाङ्ग महासंघले आफ्नो आधिकारिक धारणा मिति २०७७/२/७ को प्रेश बिज्ञप्ती मार्फत सार्वजनिक गरिसकेको हो ।  उक्त परिपत्रबाट उत्पन्न परिस्थिति र चौतर्फि भएको गुनासोका बारेमा मिति २०७७ जेष्ठ १२ गते राष्ट्रका नाममा सम्बोधन गर्ने क्रममा सम्माननीय प्रधानमन्त्री ज्यूबाट पाइरहेको सामाजिक सुरक्षा भत्ता कटौति नगरिने र यसको दायरा अझ फराकिलो पारिने भनि प्रतिवद्धता व्यक्त भएकोमा राष्ट्रिय अपाङ्ग महासंघ नेपाल आम अपाङ्गता भएका ब्यक्तिहरुका तर्फबाट आभार ब्यक्त गर्दछ र साथै राष्ट्रिय अपाङ्ग महासंघ  नेपाल सो प्रतिबद्धताको प्रभावकारी रूपमा कार्यान्वयन होस भन्ने जोडदार माग गर्दछ ।

  • VACANCY ANNOUNCEMENT FOR FIELD OFFICER

    First date of publication: – 4th January 2023 Second date of publication:- 18th January 2023 Revacancy announcement:- 29th January 2023 National Federation of…

  •  १३ औं विश्व अटिजम जागरण दिवस सम्बन्धी प्रेस बिज्ञप्ती

    आज “बयस्कता उन्मुख रुपान्तरण” भन्ने मुल नाराका साथ २ अप्रिल २०२० लाई १३ औं विश्व अटिजम जागरण दिवसको रुपमा मनाईंदैछ । अटिजम भएका ब्यक्तिमा सामाजिक ब्यवहार, संचारमा एउटै प्रकृया दोहोरिने गर्दछ ।  WHO का अनुसा जन्मिएका शिशुहरु मध्ये १ प्रतिशतलाई अटिजम (Autism Spectrum disorder) को लक्षण देखिन्छ ।  बालिक भन्दा बालकहरुलाई अटिजमको सम्भावना बढी हुने गर्दछ ।  पहिचान, पुनर्स्थापन तथा परामर्श, नियमित थेरापि र हेरचाहको अभावमा अटिजम भएका व्यक्तिहरु स्वास्थ्य, शिक्षा र समुदायमा पूर्ण र सार्थक सहभागीतामा बाधा पुग्दछ अन्तत: उनीहरुलाई बोझको रुपमा हेरिन्छ ।