बिज्ञप्ती जारी गरिएको बारे ।

च.नः २०८०/०८१/१२३                                                                                                             मितिः २०८०/०७/१८  

बिषयः बिज्ञप्ती जारी गरिएको बारे । 

 

उपरोक्त सम्बन्धमा जाजरकोट केन्द्रबिन्दु भएर २०८० कार्तिक १७ गते शुक्रबार (तदनुसार २०२३ नोभेम्बर ३ तारिख) राती ११:४७ मा गएको ६.४ रेक्टर स्केलको भुकम्पबाट कर्णाली प्रदेशको जाजरकोट र पश्चिम रुकुम जिल्ला तथा आसपासको क्षेत्रमा हालसम्म प्राप्त जानकारी अनुसार सयौ ब्यक्तिहरुले ज्यान गुमाउनुका साथै धेरै व्यक्तिहरु घाईते भई ठूलो धनजनको क्षति भएको हुनाले भुकम्पको कारणबाट मृत्यु हुने व्यक्तिहरु प्रति हार्दिक श्रद्धाञ्जली ब्यक्त गर्दै शोक सन्तप्त परिवारजनमा गहिरो समवेदना र घाइतेहरुको सिघ्र स्वास्थ्य लाभको कामना गर्दै यस बिपद्को घडीमा प्रभावित ब्यक्ति तथा परिवारलाई धैर्यधारण गर्ने शक्ति प्राप्त होस् भन्ने कामना गर्दछौ । 

अपाङ्गता भएका ब्यक्तिहरु विपद्को समयमा बढि प्रभावित हुने हुदाँ उनिहरुको व्यवस्थापनमा विशेष ध्यान पुर्याइ उद्दार र राहत वितरणमा प्राथमिकतामा राखी विपद्पछिको पुनर्स्थापनामा अपाङ्गता भएका ब्यक्ति र उनिहरुका परिवारको तथ्याङ्क संकलन गर्न, पुनर्स्थापनाको उचित ब्यवस्थापन गर्न र मनोसामाजिक परामर्श सेवा प्रदान गर्न समेत सम्बन्धित सबै तहका सरकार तथा संघसंस्थाहरुलाई हार्दिक आग्रह गर्दछौ । 

 

…………….. 

देवि दत्त आचार्य 

       अध्यक्ष