मूल आयोजक समितिको बैठक सम्पन्न
महिला, बालबालिका तथा ज्येष्ठ नागरिक मन्त्रालयका माननीय मन्त्री पार्वत गुरुङ ज्यूको अध्यक्षता राष्ट्रिय अपाङ्ग महासंघ नेपालको समन्वयमा ‘अपाङ्गता भएका व्यक्तिहरुको २८ औं अन्तर्राष्ट्रिय दिवस’ मनाउन मूल आयोजक समितिको बैठक आज मंसिर ९ गते राष्ट्रिय महिला आयोगको कार्यालय, भद्रकाली काठमाडौंमा सम्पन्न भयो ।
अपाङ्गता भएका व्यक्तिहरुको २८ औं अन्तर्राष्ट्रिय दिवस, ३ डिसेम्बर, २०१९ लाई भव्यताका साथ मनाउनका लागि राष्ट्रिय नारा, सहायक नाराहरु तथा कार्ययोजनाहरु तय गर्ने उद्देश्यले मूल आयोजक समितिको प्रथम बैठक बसेको हो । बैठकमा मूल आयोजक समितिबाट विभिन्न प्रास्तावनाहरुमा छलफल गरिएको थियो । यस वर्षको अन्तर्राष्ट्रिय नारा, “Promoting the participation of persons with disabilities and their leadership: taking action on the 2030 Development Agenda” हो भने राष्ट्रिय नारा, “दिगो विकासको लक्ष्यः अपाङ्गतामैत्री भविष्य” तय भएको छ ।
समितिका अध्यक्ष माननीय मन्त्री ज्यूले यस वर्षको अपाङ्गता दिवस भव्य र सभ्य बनाउनका लागि सबै एक जुट हुनुपर्ने बताउनुभयो । साथै समितिको सचिवालयका संयोजक तथा राष्ट्रिय अपाङ्ग महासंघ नेपालका अध्यक्ष मित्रलाल शर्मा ज्यूले अपाङ्गता दिवसको अवसरमा आयोजना हुने सप्ताहव्यापी कार्यक्रमहरुमा सबैको सहभागिताको लागि आवह्न गर्नुभएको थियो ।
Share this post:
