राष्ट्रिय समावेशी आयोगसँग छलफल तथा अन्तरकृया
अपाङ्गता भएका व्यक्तिहरुका लागि बिद्यमान कानुन, नीति,रणनीति र कार्यनीति कार्यान्वयनको प्रयास लाइ निरन्तरता दिन तथा प्रभावकारी कार्यान्वयनको लागि नेपाल सरकारको नीति तथा कार्यक्रमहरुमा स्पष्टता हुनु पर्ने आवश्यकता महासुस गरी अपाङ्गता भएका व्यक्तिहरु सम्बन्धि नीति सिफारिस बिषयमा राष्ट्रिय समावेशी आयोगको आयोजनामा अन्तरक्रियात्मक छलफल गरियो । राष्ट्रिय समाबेशी आयोगका माननीय अध्यक्ष डा. राम कृष्ण तिमल्सिनाको अध्यक्षतामा सम्पन्न उक्त अन्तरक्रियात्मक छलफलमा राष्ट्रिय अपाङ्ग महासंघ नेपालका अध्यक्ष मित्रलाल शर्मा , उपाध्यक्ष रमा ढकाल, महासचिव राजु बस्नेत तथा राष्ट्रिय समाबेशी आयोगको तर्फ बाट माननीय अध्यक्ष लगायत माननीय सचिव तथा सदस्यहरु लगायत अन्य कर्मचारीहरुको उपस्थिति रहेको थियो ।
राष्ट्रिय समाबेशी आयोगले तयार पारेको उक्त सिफारिसमा अपाङ्गता अधिकार सम्बन्धी १४ वटा बुँदामा व्याख्या गरिएको छ, जसमा पहुँचयुक्त पूर्वाधार तथा संचार, स्वास्थ्य तथा पोषण, शिक्षा, पुनर्स्थापना, निःशुल्क कानुनी सेवा तथा दण्ड सजायं, सामाजिक सुरक्षा, खेलकुद तथा मनोरञ्जन,हिँसा शोषण तथा दुर्व्यवहार, क्षमता बिकास, आर्थिक सम्मुन्नति , सहायक सामग्री आदिको लागि सिफारिस गरिएको छ | उक्त शिफारिसहरु माथि राष्ट्रिय अपाङ्ग महासंघ नेपालका अध्यक्ष मित्रलाल शर्मा , उपाध्यक्ष रमा ढकाल, महासचिव राजु बस्नेतले पृष्ठपोषण दिनु भएको थियो भने आयोगमा तर्फबाट माननीय अध्यक्ष डा. राम कृष्ण तिमल्सिनाले अपाङ्गता भए पश्चातको अधिकार संरक्षणको साथै गर्व अवस्था देखि नै अपाङ्गता हुन नदिनको लागि रोकथामका उपायहरुमा पनि राष्ट्रिय अपाङ्ग महासंघले कार्य गर्नु पर्नेमा सुझाव दिदै अपाङ्गता भएका व्यक्तिहरुको क्षमतालाई उत्पादनमूलक कार्यमा उपयोग गर्न राज्यलाइ सिफारिस गर्ने प्रतिबद्धता जाहेर गर्नु भएको थियो ।
Share this post:
