अन्तरक्रियात्मक सम्बाद कार्यकम सम्पन्न!

Posted on

मिति २०७७- १०-२६

नेपालको व्यवस्थापिका संसद द्वारा सन २००९ डिसेम्बर २७ मा अनुमोदन गरीएको अपाङ्गता भएका व्यक्तिहरुको अधिकार सम्बन्धि महासन्धि एवं स्वेच्छिक प्रोटोकल २००६ को कार्यान्वयनको लागि गठित संयुक्त राष्ट्र संघीय सीआरपीडी समितिले गरेको सिफारिसको कार्यान्वयनको अवस्था विषयक सम्बाद कार्यक्रम UNDP नेपाल र राष्ट्रिय अपाङ्ग महासंघ नेपालको सहकार्यमा मिति २०७७ माघ २७ गते अपाङ्गता संग सरोकार राख्ने विभिन्न मन्त्रालय तथा विभागका प्रतिनिधिहरु, अपाङ्गता राष्ट्रिय निर्देशन समितीका प्रतिनिधिहरु बीच अन्तरक्रियात्मक सम्बाद कार्यकम सम्पन्न भयो ।

राष्ट्रिय अपाङ्ग महासंघ नेपालका बरिष्ठ उपाध्यक्ष रमेश लामाको स्वागत मन्तब्य संगै शुरु भएको उक्त कार्यक्रममा राष्ट्रिय अपाङ्ग महासंघका अध्यक्ष मित्रललाल शर्माले सीआरपीडी समितिले सिफारिस गरेका सुझावहरुको छोटो प्रस्तुतीकरण पेश गर्नु भएको थियो l कार्यक्रमको दोश्रो चरणमा विभिन्न मन्त्रालयका प्रतिनिधिहरुले आफ्नो मन्त्रालय तथा विभागले सीआरपीडी समितिको सिफारिस कार्यान्वयनको अवस्था बारे प्रकास पार्नु भएको थियो l उक्त कार्यक्रममा तथ्यांक विभाग, शिक्षा तथा मानव श्रोत विकास केन्द्र , महिला, बालबालिका तथा जेष्ठ नागरिक मन्त्रालय , राष्ट्रिय मानव अधिकार आयोग, संचार तथा सुचना प्रविधि मन्त्रालय, शहरी विकास मन्त्रालय, पाठ्यक्रम विकास केन्द्र लगायतका अपाङ्गता संग सरोकार राख्ने सरोकारवाला मन्त्रालयका प्रतिनिधिहरुले आफ्नो आफ्नो मन्त्रालय तथा विभागवाट उपस्थित प्रतिनिधिहरुले कार्यक्रममा उठेका प्रश्नहरुलाइ सम्बोधन गर्नु भएको थियो ।

राष्ट्रिय अपाङ्ग महासंघ नेपालका कोषाध्यक्ष के. पी. अधिकारिले सीआरपीडी समितिले सिफारिस गरेका सिफारिसहरुको अनिवार्य कार्यन्वय हुने अपेक्षा सहित सहभागीहरुलाई धन्यबाद दिदै कार्यक्रमको समापन गर्नु भएको थियो ।

अन्तरक्रियात्मक सम्बाद कार्यकम
अन्तरक्रियात्मक सम्बाद कार्यकम

Similar Posts

  • सामाजिक सुरक्षा सम्बन्धी प्रेश विज्ञप्ती

    प्रस्तुत बिषयमा सामाजिक सुरक्षा नियमावली कार्यान्वयन गर्नभनि राष्ट्रिय परिचय पत्र तथा पञ्जीकरण बिभागले मिति २०७६/१२/२६ च.नं १३७० को परिपत्रसँगै रोकिएको सामाजिक सुरक्षा भत्ता निरन्तरताको लागि गत आ.व को अन्तिम चौमासिक र चालु आ.व को प्रथम चौमासिक नेपाल सरकार मन्त्रीपरिषदले सामाजिक सुरक्षा भत्ता शिर्षकमा बिनियोजित बजेटबाट खर्च लेख्ने गरि आर्थिक सहायता उपलब्ध गराउने गरी अस्थायी समाधान गरिएको थियो ।

  • अपाङ्गता भएका ब्यक्तिहरु द्वारा संचालित संस्थाका सदस्यहरुलाई स्वास्थ्य र पुनर्स्थापना सम्बन्धि अभिमुखीकरण कार्यक्रम सम्पन्न

    राष्ट्रिय अपाङ्ग महासंघ नेपाल प्रदेश नं १ र २ को आयोजनामा अपाङ्गता भएका ब्यक्तिहरु द्धारा संचालित संस्थाका सदस्यहरुलाई स्वास्थ्य र पुनर्स्थापना सम्बन्धी अभिमुखीकरण कार्यक्रम सम्पन्न भएको छ । संखुवासभाको खाँदवारी र महोत्तरीको बर्दिबासमा गरिएको उक्त कार्यक्रमहरुमा कुल १२ जिल्लाका १५ वटा संस्थाका ४२ सहभागीहरु रहेका थिए जसमध्ये २४ जना शारीरिक, दृश्टी सम्बन्धी ४,  बौद्धिक अपाङ्गता अभिभावक ४ र अन्य सहभागी १० जना उपस्थित हुनुभएको थियो ।

  • अपाङ्गता भएका व्यक्तिहरुको अधिकार सम्बन्धी नियमावली २०७७ सम्बन्धी छलफल कार्यक्रम सम्पन्न

    महिला, बालबालिका तथा ज्येष्ठ नागरिक मन्त्रालय र राष्ट्रिय अपाङ्ग महासंघ नेपालको संयुक्त आयोजनामा अपाङ्गता भएका व्यक्तिहरुको अधिकार सम्बन्धी नियमावली २०७७ सम्बन्धी छलफल कार्यक्रम सम्पन्न भएको छ । महिला, बालबालिका तथा ज्येष्ठ नागरिक मन्त्रालयका माननीय मन्त्री पार्वत गुरुङ ज्यूको प्रमुख आतिथ्यता र राष्ट्रिय अपाङ्ग महासंघ नेपालको संघीय अध्यक्ष श्री मित्रलाल शर्मा ज्यूको अध्यक्षतामा, मन्त्रालयका सचिव, सहसचिव तथा उपसचिव लगायत विभिन्न प्रतिनिधिज्यूहरु, महासंघका पूर्व अध्यक्ष तथा निर्वतमान अध्यक्ष ज्यूहरु,महासंघका देशैभरीका आवद्ध अपाङ्गता क्षेत्रका संघसंस्थाहरु, अपाङ्गताका वर्गीय महासंघ र सदस्य संस्थाहरु स्वावलम्बी संस्थाका प्रमुख तथा प्रतिनिधिहरु, महासंघका साझेदार सस्थाहरु, राष्ट्रिय तथा अन्तराष्ट्रिय स्तरमा कार्यरत गैरसरकारी संघ सस्थाहरु, विभिन्न संचारकर्मी ज्यूहरु गरी ३०० जनाको उत्साहजनक सहभागिता रहेको थियो ।

  • सूचना ! सूचना ! सूचना !

    राष्ट्रिय अपाङ्ग महासंघ नेपालको १० औं महाधिवेशन तथा २३ औं वार्षिक साधारण सभा आगामी २०८२/१२/२७ र २८ गते तोकिएको हुँदा बारम्बार सूचना प्रकाशित…