अपाङ्गता सवालमा अर्थमन्त्री ज्यूसँग भेटघाट
राष्ट्रिय अपाङ्ग महासंघ नेपालका संघीय अध्यक्ष मित्रलाल शर्माको टोलीले अर्थ मन्त्री माननीय युवराज खतिवडा समक्ष संघीय सरकारको आ.व ०७६/०७७ को नीति तथा कार्यक्रममा अपाङ्गताका बिषयमा समेटनुपर्ने १० बुदे सुझाव पत्र बुझाएको छ । सुझाव पत्रका साथै अतिरिक्त अपाङ्गता सम्बन्धी १० वर्षे नीति तथा कार्य योजना, पहुँचयुक्त डिजिटल शिक्षा प्रणालीको विकास, अपाङ्गता भएका ब्यक्तिका सन्ततिहरुको शिक्षा, अपाङ्गता भएका ब्यक्तिले प्रयोग गर्न सवारी साधनको खरिद (छुट्टै नम्बर प्लेट सहितको) मा भन्सार छुट, जस्ता सवालहरु समेत सहभागीबाट मन्त्री ज्यूलाई अवगत गराइएको थियो ।
उक्त अवसरमा माननीय मन्त्री ज्यूले राष्ट्रिय अपाङ्ग महासंघ नेपालका नवनिर्वाचित पदाधिकारी लगायत सदस्यहरुलाई बधाई तथा शुभकामना ब्यक्त गर्दै महासंघले राखेका सवालहरु प्रति सकरात्मक रहेको, अपाङ्गता भित्र पनि बैयक्तिक आर्थिक सामाजिक र विकट क्षेत्रका कारणले हुने अतिरिक्त जटिलताका बारेमा आफु संवेदनशिल रहेको बताउनु भयो । अपाङ्गता भएका ब्यक्तिको क्षमतालाई स्वरोजगार र रोजगारीसँग जोडने आधारभूत स्वास्थ्य सेवामा सबैको पहुँच पुर्याउने सबै संरचनाहरु पहुँचयुक्त (अपाङ्गता मैत्री) बनाउने स्थानीय सरकार र नागरिक समाजलाई समेत अपाङ्गताका सवालमा जवाफदेही बनाउदै जानुपर्ने बताउनु भयो । वर्तमान सरकार गठन एक वर्षमा नयाँ संरचनाहरु निर्माणमा केन्द्रित हुनु परेको थियो । महासंघले उठाएका सवालमा संवेदनशिल रहेको छ सरकारको साथ रहनेछ उच्च मनोबलका साथ काम गर्न सुझाव दिनु भयो ।
डाउनलोड लिङ्क
PDF फर्म्याटमा डाउनलोड गर्नुहोस्
MS Word फर्म्याटमा डाउनलोड गर्नुहोस्
Share this post:
