स्वास्थ्य तथा जनसंख्या मन्त्रालयसँग भेटघाट
राष्ट्रिय अपाङ्ग महासंघ नेपालको एक प्रतिनिधि मण्डलले स्वास्थ्य तथा जनसंख्या मन्त्रालयमा मन्त्रालयका श्रीमान् सचिव ज्यू सँग भेटघाट गरेको छ । महासंघका संघीय अध्यक्ष देवीदत्त आचार्यको नेतृत्वमा गएको महासंघका पदाधिकारी एंव सदस्यहरुको समुहले एक ज्ञापन पत्र बुझाउदै स्वास्थ्य क्षेत्रमा देखिएका समस्या चुनौति एंव समाधानका उपायहरुको बारेमा छलफल गरेको छ । सबै प्रकारका अपाङ्गता भएका व्यक्तिहरुका लागि निशुल्क स्वास्थ्य बीमा, स्वास्थ्य सहायक सामाग्री, निशुल्क औषधी उपचार र स्वास्थ्य क्षेत्रमा बनेका नितिनियमहरु अक्षरस कार्वान्वयनका लागि स्थानिय तहलाई परिपत्र गर्न समेत अनुरोध गरेको छ । महासंघको प्रतिनिधि मण्डलसँगको छलफलमा श्रीमान् सचिव ज्यूले अहिले भर्खरै जारी गरेको स्वास्थ्य सेवा डिजिटललाई पहुँचयुक्त बनाउने, अपाङ्गता भएका व्यक्तिहरुलाई प्रदान गरिने सेवा सुविधा सम्बन्धि सुचना र जानकारीहरुलाई डिजिटलाइज्ड गर्ने र स्वास्थ्य सम्बन्धित नितिनियम निर्देशिका र कार्यविधि कडाइका साथ लागु गर्न स्थानिय तहलाई लिखित परिपत्र गर्दै थप सेवा सुविधा आवश्यकता अनुसार उपलब्ध गराउदै जाने प्रतिवद्धता व्यक्त गर्नुभयो ।
-प्रवक्ता, रमेश पोख्रेल, राष्ट्रिय अपाङ्ग महासंघ नेपाल
Share this post:
