२२औ वार्षिक साधारण सभा सम्बन्धमा सूचना

च. नं.: १११/०८१/०८२
मिति २०८१ मङ्सिर २१ गते

सूचना ! सूचना !! सूचना !!!

उपरोक्त सम्बन्धमा राष्ट्रिय अपाङ्ग महासंघ नेपालको मिति २०८१/०८/०८ मा संघीय कार्यसमितिको बैठकबाट २२औ वार्षिक साधारण सभा काठमाण्डौंमा सम्पन्न गर्ने निर्णय भएको सबैमा जानकारीका लागि अनुरोध छ । २२औं वार्षिक साधारण सभाको लागि २०८० चैत्र मसान्त भित्र गर्ने गरी संघीय कार्य समितिको मिति २०८०/०९/१४ र १५ मा निर्णय भएकोमा महासंघमा आबद्ध ४०० वटा सदस्य संस्थाहरू मध्ये न्यून सदस्य संस्था मात्र नवीकरण भएको र सदस्य संस्थाबाट समेत समय थप गर्न माग भएको हुँदा मिति २०८०/१२/२७ र मिति २०८१/०२/०८ गतेको कार्य सम्पादन समितिको निर्णय भई मिति २०८१/०३/०७ र ८ गते गर्ने गरी साधारण सभा तोकिएको ब्यहोरा जानकारी गराइन्छ ।
साथै २०८०/१२/२७ गतेको महासंघको वेबसाइटमा सूचना प्रकाशित गरी संस्था आबद्धता पुन आबद्धता र नवीकरण गर्न २०८१/०१/१५ र २०८१/०२/२१ मा आबद्धता संस्थाबाट प्रतिनिधि समेत माग गरिएकोमा र देश भरी भएको मौसम प्रतिकुलताका कारण साधारण सभा स्थगित भएकोमा सात वटै प्रदेशलाई मिति २०८१/०४/२५ मा पुन भदौ मसान्त सम्म पत्राचार समेत गरी सदस्यता नवीकरण तथा आबद्धता कार्यविधि २०७३ बमोजिम सदस्यता नवीकरण र आबद्धता गर्न पत्राचार गरिएको समेत जानकारी गराउँदै मिति २०८१/०९/१२ र १३ गते साधारण सभा गर्ने निर्णय भए बमोजिम राष्ट्रिय अपाङ्ग महासंघ नेपालको विधान २०५० को दफा ११ (१)(क) को व्यवस्था बमोजिम प्रतिनिधि पठाउन समेत जानकारी गराइन्छ । साथै प्रतिनिधिको नामावली मिति २०८१/०९/०५ गते संघीय कार्यालयमा पठाउनुहुन जानकारी गराइन्छ । साधारण सभाका लागि तपसिल बमोजिमका एजेन्डाहरू समेत छलफल हुने भएकोले अन्तिम पटकका लागि यो सूचना प्रकाशित गरिएको छ ।

प्रस्तावित एजेन्डा
१) क) प्रगति प्रतिवेदन सम्बन्धमा ।
ख) भावी कार्य योजना सम्बन्धमा ।
२) क) आर्थिक प्रगति प्रतिवेदन सम्बन्धमा ।
ख) अनुमानित बजेट सम्बन्धमा ।
३) विधान संशोधन सम्बन्धमा ।
४) लेखा परीक्षकको नियुक्ति सम्बन्धमा ।

नोट: साधारण सभामा सहभागी हुने प्रतिनिधिको विवरण यसैसाथ संलग्न गरिएको फारममा भरेर प्रदेश कार्यालयमा मिति २०८१/०९/०५ सम्ममा पठाउनुपर्नेछ ।

………………
सुगम भट्टराई
महासचिव

प्रतिनिधी फारम यहाँबाट डाउनलोड गर्नुहोस् ।