वार्ताको लागि हार्दिक आव्हान
राष्ट्रिय अपाङ्ग महासंघ नेपाल विगत ३५ वर्षदेखि अपाङ्गता भएका व्यक्तिहरुको हकहित र अधिकारको बारेमा वैधानिक र सांगठनिक रुपमा वकालत गर्दै आइरहेको व्यहोरा सर्वविदितै छ । सम्पूर्ण अपाङ्गता भएका व्यक्तिहरुलाई स्वावलम्बी र सम्मानित नागरिक बनाउन अपाङ्गता भएका व्यक्तिहरुले गरेको विभिन्न आन्दोलन‚ मेहनत र एकताले सफलता हासिल गरेको पनि छ‚ थप अधिकार प्राप्तिका लागि हामी सबै आन्दोलित नै छौ । यसै सन्दर्भमा विगत केही दिन देखि आफ्ना केही माग राखेर महासंघका केही पदाधिकारी तथा सदस्य ज्यूहरुले संघमा तालाबन्दी गरी आन्दोलन गरिरहेको हुँदा आन्दोलनरत पक्षको मागलाई ध्यानमा राखी उक्त माग उपर छलफल सहमति र सहकार्य गर्नु वान्छनिय भएकोले तुरुन्त वार्ता र छलफलका लागि राष्ट्रिय अपाङ्ग महासंघ नेपाल हार्दिक आव्हान गर्दछ । विगतका तितामिठा कुराहरुलाई विर्सिएर नयाँ सिराबाट छलफल गर्नुपर्ने भएकोले पुन जिम्मेवार आन्दोलनरत पक्षलाई वार्तामा सहभागी हुन जानकारीका साथ अनुरोध गरिन्छ ।
रमेश पोख्रेल
प्रवक्ता
मिति: २०८२ साल चैत्र ६ गते शुक्रबार
Share this post:
